فضفضة البنت الحزينه/ قديم

والله ياقلبي رررزقك بيد الله مو بيدنا ادعي رب العالمين وبيعطيك

في ايه في القران (( وفي السماء رزقكم وماتوعدون ))

على الاقل انتي بنت ماجربتي حياة سابقة من قبل وانفضلتي انتي اهون من المطلقة او الارملة

يابنت رزقك بيجيك لاتستعجلين ولاتضايقين لو فيه خيره ربك عجله لگ
الله يرزقك ويرزقنا وجميع بنات مسلمين


اللهم لك الحمد على كل حال

ياحبيبتي لاتيأسين من رحمة الله ، الله كريم
صدقين ماتأخر زواجك الا لخير انتي تجهلينه وملاحظه اللي يتأخر رزقهم يعطيهم ربي افضل من اللي سبقوهم وهالكلام اقوله لك من واقع
اعرف وحده عمرها 38 سنه لها شهور متزوجه اخذت شاب وسيم من عائله ثريه وكل بنت تتمناه اخذت افضل من زميلاتها واقاربها اللي سبقوها بالزواج
وبعدين من قالك انه الشباب مايبون البنت اللي تتعدى سن الثلاثين ؟
هذي نظرية الأم المشكله الأم والأهل والا الرجال قنوع
رجال من اقاربي اعمارهم ماتتجاوز ال27 سنه يقولي بنفسه انه البنت الصغيره يحقرها ويتمنى ياخذ اكبر منه ب 4 سنوات ولا ياخذ اصغر منه
اغلب الشباب قنوعين بس الأهل يوقفون بطريقهم
، واعرف وحده عمرها 34 او اكثر ومطلقه عادية الشكل او اقل من عاديه اخذت صديق اخوها شاب وسيم طويل غني جدا جدا ماشاءالله تملكها من غير مايدرون اهله لأنه عارف ردة فعلهم وبعد زواجه منها مارضوا ولازالوا مارضوا بزواجه والحين هي ام عياله وهو ابو عيالها والله يخليهم لبعض
لا تيأسين لو كان فيك عيوب الدنيا لو كان مابك ولا ميزه الله كريم رحيم بعباده يدبر امورنا وفق حكمته بس انتي استغفري لذنبك وكثري من الدعاء واستنجدي برحمة الله ..
الرزق عمره ماتوقف على عمر او مال او جاه او جمال
ادعي الله بكل ماتحبين وبكل ماتتمنين وقولي على خير لأن ماندري وش الخيره فيه
لاتخلين فكرة الزواج هي محور اهتمامك لا عيشي حياتك واستانسي ونصيبك بتاخذينه ،
بس انتي كثري من الألحاح بالدعاء وبأذن الله السنه الجايه اشوفك عروس على خير بالشاب اللي تتمنينه يارب
واهم شيء حسن الظن بالله واليقين ، الله يعطي الجنه قادر انه يهبك افضل مما تتمنين
ماخفي عليك انه احيانا غصب يجي الواحد يأس استغفر الله بس اسألي الله بصلاتك ، بعد ترديدك مع المؤذن اليقين والمعافاة الدائمه وكل وقت والله يرزقك اليقين ويعطيك افضل مما تتمنين
الله يسعدك ويخلي لك احبابك ويحقق لك امنياتك لما يحبه ويرضاه
..


وبعدين وش هالتشاؤم فضفضة (البنت الحزينه ) وانتي تضمنين انك اذا كنتي متزوجه بتكونين سعيده يمكن فيه متزوجه تحسدك على حالك تتمنى انه انسه وتخدم امها مو كل متزوجه سعيده كلن عنده هموم ومشاكل مافيه احد مرتاح ويمكن ربي اخر رزقك لخيره لك وسعاده فيه ناس يكونون سعيدين اول حياتهم وناس اخر حياتهم وناس وسط حياتهم فما تدرين متى تكون سعادتك
والتفتي لنعمك واحمدي الله وتعوذي من زوالها عندك ام تسوى الدنيا ومافيها بري فيها واهتمي بها لاتخلين امر الزواج يلهيك عنها فيه بنات تتحسر كل ليله على فراق امها وفيه بنات مثل حالتك بس ماعندهم ام ماعندهم سند عايشه عند عمها او خالها الكل يتضايق منها انتي احمدي ربك عند اهلك عند عزوتك ببيتك ماحد يتضايق منك ولا ينزعج بعافيه وبصحه واهل وامان وماؤى تاكلين من مالذ وطاب تنامين و ... و... والكثير من النعم اللي ماتعد ولاتحصى الله يديمها من نعمه ..

الله يرزقك الزوج الصالح عاجلاغيراجلا

وعليكم السلام ..


الله يهديك وش هالكلام ؟ تحسين بنقص؟ تحسدينهم على علاقات محرمه الله يهديهم ويصلحك بالعكس المفروض تزيد ثقتك بنفسك وتسجدين حمد وشكر لله اللي انعم عليك بهالنعمه وستر عليك وحفظ دينك
بالعكس خليك فخوره بنفسك وهذا من فضل ربي عليك انك متمسكه بدينك والله يثبتك ويزيدك من فضله ويعوضك بالحلال
دايم لاشفتي اللي تحبين وماحصلتيه قولي اللهم اغنني بحلالك عن حرامك وبفضلك عمن سواك
اسأل الله الكريم رب العرش العظيم ان يغنيك عن حرامه ويرزقك بالزوج الصالح التقي الغني اللي تتمنينه من قريب ويعوضك اضعاف سنوات الحرمان اللهم امين يارب