سلة امنيات :

اللهم لك الحمد ابشركم يااحلى الاخوات تم التخلص من اللهاية والتحكم في الحمام الله يكرمكم والرضاعات والاستغناء عن العربية الله لايحرمني من نصايحكم وتوجيهاتكم

اللهم لك الحمد ابشركم يااحلى الاخوات تم التخلص من اللهاية والتحكم في الحمام الله يكرمكم...

shosho11 :

ياحليلك كسرتي قلبي والله على عيالي بنت 2 ونص وولد سنه ونص ماشالله تبارك الله لامصاصات ولارضاعات ولاحفايظ الا بالليل يعني بصراحه لاتزعلين كيف تتحملين شكلهم اربع سنين مابقالهم شي عالمدرسه وللحين بفمهم مصاصه!!! بس الغلط غلطك والحل مو جيم بوي ولا دي في دي.. حرام عيونهم ودماغهم يتعود عالكسل والبلاهه مع هالاجهزه اللي مو مخصصه لهالعمر اساسا يعني لو تعلمينهم عالتلوين على قصه ملونه يتفرجون عليها بالطريق في كثير انشطه لهالعمر في لابتوب خاص حق اطفال يعلمهم الحروف والكلمات وبالنسبه للعقاب على طول اول مايبدون يصارخون برا ارجعي البيت مره مرتين وتشوفين شلون يعقلون ويستحسن بدون عربيه لان بعد حرام والله تعاملينهم كأنهم معوقات اسم الله عليهم خليهم يتحركون امسكي ايديهم عامليهم كانهم كبار على قد عمرهم مو كانهم بيبيز وانت قلتيها بنفسك شوفي عيال الاجانب والفرق ان الاجانب ماتهمهم الطلعه قد مايهمهم تربية الولد اما حنا اهم شي نحطهم بهالعربية ونمشي والله ان ولدي ابو سنه ونص يوم املاله حوض ماي يلعب هو واخته بالحمام كان يطلع على الحوض عشان يفتح الشور.. انا كنت اراقبه اول مايمد ايده اطلعه وانشفه وهو يبكي يبي يرجع بس يومين.. وبعدها ولايفكر يسويها مره ثانيه قوي قلبك حبيبتي وارمي المصاصات بأقرب زباله والرضاعات معاها واتحمليهم اسبوع بس والا 10 ايام وترا والله مو حرام بالعكس حلال ونص بعد بالتوفيق

ياحليلك كسرتي قلبي والله على عيالي بنت 2 ونص وولد سنه ونص ماشالله تبارك الله لامصاصات ولارضاعات...