فضفضة ام 💔.

السلام عليكم
في البداية انا حامدة وشاكرة الله لكن تعبت والله لاني مابرتاح
حابة افضفض لكم اوقات الكلام يريح . .
انا ام وعندي ولد الله يحميه عمره سنه المهم ولدي هذا بكايي درجة اولى بتقولو طبيعي وكل الاطفال كده بقولكم طيب معاكم لكن ولدي مدلع اكون جالسه جنبه وابعد عنه مسافة بسيطة يبكي ويصرخ ولا يسكت حتى شغل بيتي صرت بصعوبة اسويه زي الان عندي شغل وجالسه من امس معاه مو راضي ينام ويريحني
يبكي في البيت و اذ خرجت مشوار ارجع ونا منكدة ولا انبسط. ماصار عندي وقت لا نفسي ولا لبيتي ونا ساكنه بعمارة يعني الجيران الله يعينهم على الصريخ طول الوقت، وعنده مشكلة تانية انه اذ بكي صعب يسكت انا امه اسكته بعد ما اتعب واحاول كتير اسكته ولا عندي احد يساعدني ويشيل عني شوية اهلي في منطقة تانيه نفسي انام ساعتين بدون ما اصحى مية مره احط المصاصة ولا اسكته ولا اسوي حليب نسيت الرحة والنوم صرت ما اصحى الا على صريخ وبكاء💔
عمره مشاءالله سنه لكن لاصق فيني بشكل مو طبيعي حتى الحمام صرت ما اقدر اروحه الا فين وفين والله، الصلاة ما صرت اصلي زي الناس كله لانه يجلس يبكي وما اركز
مادري هذا اللي معاياا اكتئاب ولا ايش بس حقيقي تعبت
الله يصبرني بس 💔