لو من البدايه ممكن بس مايصير الحين تغيري يعني ام زوجك اكيد بتزعل وبتجي بخاطرها :(
واسم شيخه وش فيه بالعكس يكفي معناه ان شاءالله تكون اسم على مسمى

أشكركم جميعا على ردودهم و تفاعلكم مع مشكلتي ومتقبلة جميع الآراء
اللي قالوا غيريه أنا معاهم و خصوصا إن الموضوع مسبب لي اكتئاب حقيقي و مش قادرة حتى أنام بالرغم من إرهاق الولادة
بس الموضوع موضوع إحراج لأن ام زوجي حية بس بالوقت الحالي هي مسافرة ولا تبلغت بالتسمية منا شخصيا لا أنا و لا ولدها يعني أكيد بناتها قالوا لها
حتى اخوانه و خواته بلغهم زوجي بالغروب بالواتس أب
وهل في طريقة تخيلنا نتجنب الأحراج بالرغم من ان ام زوجي حليوه و طيوبه و ما تشيل بقلبها بس هذا ما يمنع إنه يمكن يكسر بخاطرها
وأحس إني أيضاً بسبب الأحراج لزوجي بالرغم من إني فاتحته مبدئيا و ما تقبل الموضوع و يقول راح تتعودين عالاسم وبيركب عليها مع الوقت
المشكلة في الموضوع إن اسمي أيضاً يعتبر اسم حديث و لما شفت اسمها في تبليغ الولادة حسيت انها انظلمت لان اسم الام حديث و البنت قديم .

اللي قالت إني مترددة و عنيدة بالفعل أنا كذلك مترددة لأني احسب الأمور جيدا من جميع النواحي

اللي قالت كملي معروفك هذا مو معروف و أنا أكثر وحدة مقتنعة ان التسمية مو مقياس للمحبة بس قلت مادام زوجي وده بالاسم بتنازل هالمرة بالرغم من انه لم لم يجبرني إطلاقا وهالمرة هو اللي كان متردد و كم مره يسألني خلاص اسميها وأقول له اي و يوم سماها قال لي خلاص انشر الخبر قلت له اي بكل اقتناع .
ظنا مني اني بحب الاسم و بتعود عليه بس للأسف صحيح حبيته بس احس اني ظلمت بنتي وأحس بضيقة حتى من النظر إلى اسمها مكتوب
فبحثت عن اسم آخر فارتحت الى اسم دانة نطقا و كتابة و كل شي وحسين براحة نفسية للاسم

ادري اني هذرت واجد بس والله نفسيتي تعبانة

سجلوها في السجلات الرسميه دانه وبعدين تصرفوا لان مافيه احد بيطالع اسمها
قولوا اعدنا النظر و سوينا قرعه وطلع دانة او خواتها حابين دانة او اسالي ام زوجك قولي وش رايك في دانه اذا قالت حلو عطيها كم كلمه حلوه مثل كلنا نبغاها شيخه بس تعرفين البنت بتكبر وابغى يكون اسمها مثل خواتها وانتي شيختنا ومانسميها دانه الا بأمرك  .......الخ<<<هذا اذا هي طيبه ومابترفض

أنا أشوف شيخة حلو وله هيبة
وهي أكييد بتحلي الإسم مو الإسم يحليها
طنشي الموضوع وهي إذا كبرت وماعجبها بكيفها تغيره.

بكره تكبر وتقول اسامي خواتي احلى مني وبيكون جيلها كله اسماء حلوه 
لا تظلمينها 
وأفضل حل الاستخاره