فضفضة تاخير الحمل

السلام عليكم و رحمة الله و بركاتة اخواتى
انا بكتب لانىلما بحكى لحد اية مضايقنى بنسى عالطول و انا مش بقدر احكى لحد عن انى متضايقة من تاخر الحمل لانى مش بحب اقلق حد معايا
بس والله انا من ساعة ماشاركت فى المنتدى دة و انا حاسة ان ليا اصحاب و كل شوية ادخل
انا بقالى سنة و3شهور متجوزة منهم اول شهرين مكنتش مع زوجى انا من اول ماتجوزت والله مكنت افكر فى موضوع الحمل خالص لدرجة انى كلمت زوجى اننا محملش اول منتجوز نستنى اول 6 شهور خصوصا انى كنت هتجوز و اسافر عالطول و انا مكنتش متخيلة انى هسافر و اكون مسؤلة عن بيت و اعانى اعراض الحمل و انا صحتى ضعيفة الحمدلله
بس فى الاول نسينا الموضوع و ماخدتش اى مانع و بعد شهرين من زواجى سفرت لزوجى اللى سبقنى و اول ماسفرت بدات حماتى كل ماتكلمنى تسالنى عن الحمل
ها مفيش حاجة و تقولى انا حلمت انك حامل و تقولى اول ماعرف اقولها و الله الموضوع من اول هنا بدا يتعبنى مع انى مكملتش اسبوعين مع زوجى و دة عشان سلفتى اللى اتجوزت بعدى بيوم بسم الله ماشاء الله عليها حملت من اول يوم جواز والله انا مش غيرانة منها انا علاقتى بيها كويسة اوى بس كتر سؤال حماتى و قلقها دة مجاش من فراغ احساسها اننا اتجوزنا بعد بعض بيوم يبقى انا عندى مشكلة و بعد 3 شهور عرفت انها حامل بس من اخو زوجى مع انى كنت بكلم حماتى عالطول حتى زوجى زعل قال لية ماقلتش مامتة مع انها كل مرة تكلمنا تسالنا يعنى مش ناسية و مع ذلك من حقها تخاف على اول حفيد ليها حتى لو منى
قبل ماعرف ان سلفتى حامل بشهر حسيت اعراض غريبة قبل الدورة تعب قوى و جية معاد الدورة و اتاخرت اسبوع و مغص فظيع و احساس قئ و عالطول هفتانة يعنى عايزة اى حاجة مسكرة روحت للدكتورة و عندى امل من الاعراض و كنت بنام كتير جدا المهم حللت طلع سلبى و كتبتلى الدكتورة على دفستون نزلت الورة بس كنت كل يومين يعلقولى محلول من كترها و من كتر الامهاربنا يعلم انى كنت حاسة بالموت الاسبوع بتاعها و الحمدلله خلصت
روحت الاستشارة كانت الدكتورة عايزة تدينى منشط قلتلها انا مش مستعجلة انا مبقاليش شهرين مع زوجى كلامى معجبهاش و طريقتها معايا غريبة الدورة انتظمت معايا و شاءت الظروف انى اعيش مع حماتى فترة بقت تسالنى كتير لية انا مروحتش لدكتورة اقنعها انى روحت بس قولتلها انى كويسة و مافى اى حاجة يومين و ترجع تعيد الكلام تانى و تفضل تقولى فى نصايح نامى على ظهرك متخليش جوزك يقوم عالطول متشتفيش و كمان سلفتى كل متكلمنى تفضل تقولى متزعليش يمكن ربنا ماخر الموضع عشان تدلعى شوية و الله انا مش متضايقة من الموضوع بس كلامهم هما اللى بيضايق حتى لما بقعد مع اصحابى و كل واحدة تفضل تقول انا خايفة اكون حامل يالهوى انا مش عايزة خالص تانى مش بقدر اعلق على الكلام لحسن واحدة تقول انى هاحسدها
انا مبسوطة لان ربنا عوضنى بزوج والله مش غرور بس مش متخيلة ان فى حد فى طيبتة و اخلاقة و الحمدلله و اقول زوجى لوحدة كتير عليا بس انا بكرة كلام الناس و بصاتهم و احساسهم انى عندى مصيبة المشكلة انى الحمدلله كويسة حللت و مفيش حاجة عندى و زوجى كمان بس سبحان الله
العجيب ان بنات كتير تكون عندها مشاكل كبيرة و سبحان الله تقولك او ماتجوزت حملت يعنى انا واثقة ان الموضوع بارادة ربنا جدا هوا اللى لسة مارادش فعلن
انا نفسى اشيل الموضوع من دماغى بس بقالى فترة العكس بقى مرضى عندى مش قادرة انساة
بصراحة انا مش متخيلة ان فى حد هيفضل يقرا كل اللى كتبتة دة لحد هنا
انا فعلن نفسى فى صديقة تسمعنى و افضل احكيلها و هى كمان تحكيلى و اسمعها يمكن يكون دة يهون علينا
ربنا يرضى عنا و يكتبلنا الخير