سمو الأنوثه @smo_alanothh_1

محررة فضية

فضفضة حااااامل :( :( //انظري قوانين القسم

بسم الله الرحمن الرحيم

مرحبااااااااااا كروووشات كيفكم وكيف البيبي

حبيت اطرح هالموضوع بفكرته الجديده واتمنى يكون صفحه مهمه لكتابة خواطركم وهمومكم التي ظهرت مع الحمل

ااكتبي اللي تبين وش متعبك بالحمل وش خايفه منه بالحمل وكيف نفسيتك بالحمل

لان كل بنت تختلف عن الثانيه باعراضها بالحمل فيه بنااات يتعبون بالحمل مرررة وفيه بنااات الحمل تسليه عندهم وفيه حريم وصلت اعمارهم الاربعين وماشاء الله الحمل اسهل مايكون عندها ربي يتمم لكل حامل

اولا ببداء انا واتكلم عن حملي وهو اول حمل لي يعني بكريه وبما اني بكريه خبرتي بالحمل قليله وهذا اكثر شي متعبني لان عندي مضاعفات قبل الحمل وهو انه عندي نقص فيتااامين دال وكالسيوم ونقصه ومالله مب شي هين ابد هالفيتااامين مرررة غريب واعراضه تشبه اعراض العين من ضيقه واكتيئاب وسواس الموت والمرض وخوف وهلع
ويشبه اعراض الجلطه الله يكفينا شرها من تنميل والم بعظام الراس وخدر بالاطراف واحيانا نسيان وعدم تركيز

المهم انا بديت بكورس العلاج شهر ونص ثم اكتشفت اني حامل وتركت الكورس فزاادت الاعراض علي مرررة ومن جهل الدكاترة قالوا لي انه ممنوع اخذ فيتامين دال بالحمل وجلست سبع شهور من الحمل بدون العلاج وبعدين ماتحملت الالام ابد من دووخه وعدم اتزااان وخوف وهلع واكتيئاب دقيت على دكتوري حق الغدد وشرحت له وضعي واني تركت العلاج فجلس يزعق علي قال فيتاامين دال امن جدا بالحمل وقالي اكيد نزل عندك مررررة الحين ونصحني ارجع للعلاج وهاليومين راح احلل وابداء بالعلاج ويارب سهل ولادتي وارزقني بالطفل السليم المعافى

وكمان من اعراضه الخفقان وسرعة التنفس وقصرة والتعرق والترنح اثناء المشي والتعب من اي مجهوود بسيط ونصيحتي لكل بنت ناويه على الحمل ان تحلل هالفيتامين وتنتبه منه واي حامل ببداية الحمل تتدارك نفسها قبل الشهور الاخيرة

اتمنى اني افدتكم
ااتمنى كل وحده تفضفض بالصفحه عن كل شي متعبها بالحمل ولاا لقت دكتورة تجاوبها لان الدكاترة عندنا الله بالخير

تحيتي للجميع:smheart:

هذا الموضوع مغلق.

حيتان111 • 12 سنة

الله يشفينا وإياك سمو الأنوثه

‏أنـا حبيبتي هذا ثاني حمل وجا بعد فتره طويله 9 سنوات وزياده والحمدلله

مشكلتي في حملي هذا فقر الدم وأخذ حبوب حديد 3 مرات باليوم
والشي الجديد الحين لي شهر يمكن حساسيه

غريبه حبوب صغيره زي القزاز بلون الجلد مو حمرا

وتحكني بشكل فظيع بالذات لما أصحى من النوم

وجايتني بِــــ̯͡ــسّ بمكانين

يدي بين الأصابع ومالها لون

وفي رجولي القدم وبين الأصابع ومالها لون

جاتي في أول السابع خفيفه وزادت الحين ومضايقتني

وأنا الحين باقي أسبوع وادخل الثامن بمشيئة الله

ؤاليوم تحديدا قررت أروح دكتوره وأشوف

‏أنـا دكتورتي مسافره مع الأسف

معرف سببها ولا آيش علاجها ولا نتائجها علي وعلى النونو

االلهم أشف أنت الشافي
لاشفاء الا شفاوك
شفاء لايغادر سقماااا

أمنيتي رؤيتك@ • 12 سنة

الله يشفيك وفعلا الحبوب مهمه لازم نداوم عليها

شمعة من ثلج • 12 سنة

شكررررررا

شمعة من ثلج • 12 سنة

انا حبيبتي عندي نفس اعراضك ياسمو الانوثه وهذا حملي الثاني حملي الاول كان فيه مشاكل في الطفل ومات وبارب يرزقني الطفل السليم المتعافي من غير زيادة او نقصان

[Faith] • 12 سنة

شمعة من ثلج :

انا حبيبتي عندي نفس اعراضك ياسمو الانوثه وهذا حملي الثاني حملي الاول كان فيه مشاكل في الطفل ومات وبارب يرزقني الطفل السليم المتعافي من غير زيادة او نقصان

انا حبيبتي عندي نفس اعراضك ياسمو الانوثه وهذا حملي الثاني حملي الاول كان فيه مشاكل في الطفل...

موضووع مرا ممتاز , نحتاج نفضفض :"( ..

الله يشافيكي سمو .. خوفتيني , شكلي بطلب من دكتورتي تسويلي تحليل فيتامين دال ..
بس ماادري اللي فيني من الوحم او نقص الفيتامين ..

مرا توقعت الحمل سهاله , وماتوقعت الوحم كذآ ..
جنني بمعنى الكلمه .. اي اكل اكله احس بنفخه .. وقرفانه من الاكل مع الاحساس بجوع فضيييع ..

تعب وارهاق اربع وعشرين ساعه , احس صحتي صارت دمار ..
حتى لو امشي شوي اتعب على طول .. صرت ماانزل سوق ولا امشي ..

شغل البيت على حسب قدرتي .. ان قدرت قمت فيه او خليته ..
حتى الوقفه على الطبخ صارت مرهققه بشكل خيالي ..

زوجي متوحمه عليه بقوووه .. لدرجة صرت مااقدر اجلس جنبه !
ايام اتحسن .. وايام انتكس ..

العطور ماني طايقتها .. حتى ريحة الشامبو اللي استخدمه مسببتلي ازمه ! ..

الأكل الصحي مااشتهيه .. بس اشتهي نشويات ..
ومااقدر اكثر اخاف تجيني الضيقه والنفخه ..

احس خشمي مسدود وكني مزكمه , واحس كن عندي بلغم يضايقني بشكل فضيييع ..
تجيني مرات ضيييق بصدري احس كن روحي تطلع ..

مااقدر اكلم في الجوال نفسي ينقطع بسرعه ..
ولاخرجت من بيتي من يوم حملت الا لاهلي :"( ..
واحس نفسي مااقدر اطلع واشوف الناس ..

الحمدالله .. مرا ماتوقعت التعب كذا .. هذا وانا تو في الشهور الأولى ..
يآآآآآآآرب يتيسر كل شي وارجع طبيعيه وتمام ..
الحين اغبط كل وحده ماتتوحم ..
جد جد الوحم عذاب نفسي وجسدي الحمدالله ..

الله يفرحني بشوفة طفلي سليم ومعافى ويعدي هالشهور على خير ..

شكرآ ع الموضوع كنت محتاجه افضفض ..

دعواتكم ..