فضفضة دوبّة تسوي رجيم

الله يصبحكم بالخير والسعادة

كيفكم؟ اخباركم مع الرجيمات ؟

انا يا بنات طفشت ومليت والله طفشت من سمنتي ومليت من الرجيم
بادية رجيم من شهرين بالضبط وجت فترة وقفت الرجيم لأني سافرت لهلي وامي كل يوم تطبخ وعزايم بس كنت منتبهة لأكلي فلمن رجعت لبيتي ووزنت نفسي طلعت ماخذه كيلويين بس الحمدلله واستمريت بالرجيم بس المشكلة اني ملولة على طول اخرب الرجيم حدي فيه 3 ايام وافتح الموضوع بحري قسمن مليت وبنتحر
ادري بتقولون سوي تخفيف ورياضة وبتنحفين بس يا ناس انا المشوار قدامي طوييييل كم سنة بجلس عشان اوصل للمثالي وبعدين أنا فكرت اسوي نظام أني اختار اي رجيم واسويه اسبوع وبعدين ارجع تخفيف اسبوع وكذا بس المشكلة اي رجيم ابدا فيه من ثالث يوم اخربه والتخفيف ما اعرف افرمل نفسي اكل ويصير الموضوع سايح بس ترا نظرا لما قبل الحين حتى وانا مخربتها غيييير عن اول بطلت غازيات الحمدلله بالمرة واشرب مويه كثير اول اشرب باليوم كاس هذا اذا تذكرت ما احب المويه .. وغير كذا مقدار الاكل اللي اكله اقل عن اول بكثير فرق معدتي صغرت والحمدلله نحفت بشهر ونص 12 كيلو بس توووو قدامي 30 :freak6:
الحمدلله والشكر مدري مين قال لي اكل اكل اكل ولا ادري عن نفسي :dry:
المشكلة زوجي ماله صاحب يوم اني دوبة مرررا كان يقول لي انا احب الدوبة والحين يوم نحفت شوي يقول حلو وزنك كذا :mad2: يخي قوللي على بر وانا ارسى عليه
حاسة انكم تتثاوبون وانتم تقرون كلامي ادري بتقولون وش تحس فيه وش تبي بالضبط !
مابي شي بس حبيت افضفض مزاجي اليوم تعكر خربتها واكلت معجنات وورق عنب وشربت كولا دايت مع ان لي شهرين ماشربته بس الشكوى لله .. زوجي وبنتي اصرو علي اليوم الا يبوني اطبخلهم ورق عنب ومعجنات طبعا بعد ماخلصت ماقدرت اقاوم وجلست اكل معاهم
استغفر الله ياربي
ادعوا لي بنات ربي يقوي عزيمتي وانحف من غير شر اخاف اطفش مرا وابطل وانا مابي ابطل ابي اوصل للمثالي نفسيتي تعبانة للحين بالتسعين ابغى ادخل عالم الثمانينات الميزان طفش مني كل يوم يطلع لي رقم 90 بيقول هذي ماخذه مقلب بنفسها توزن كل يوم اووووووف
يلا بنات كفاية لحد كذا نكد وبس
ربنا يسعد ويحقق أحلام كل وحدة قرات فضفضتي وتحملت ثقل دمي
بنات طلباً لا أمراً تدعون لي الحين بهالوقت والفجر يأذن بأن ربنا يحقق لي مرادي ويسكنا المدينة المنورة عاجلا غير آجل

أحبكم في الله