والله جبيتيها عالجرح انا مااحب اروح لحد ويدي فاضيه لازم اخذ معي طبق طبقين وغير كذا اساعد صاحبه البيت بروح رياضيه ولا اتضايق من هالشي لان حلاه الجمعه كذا نتعاون في كل شي مو نجي ناكل ونشبع ونمسح يدنا بالطوفه بس انا موقاهرني الا وحده من جماعتنا كل ماتعزمنا ونروح لها تلاقيني اخذ معي صنف والا صنفين واذا دخلنا نلاقيها لسا مو مجهزه شي حتى القهوه لسا ماجهزتها انا والله ارحمها اول ماحط عباتي ادخل المطبخ واشيل هذا واحط هذا وهي تشوفينها تطلع وتدخل من المطبخ زي التايهه الحمد لله والشكر تخيلي يروح اليوم علينا وحنا بمطبخها نرتب حتى القهوه مانتقهوى زين وبعد العشاء غسيل المواعين وشوي يقول زوجي يالله اطلعي تصدقون احس اني جايتها انضف بيتها انا ماكنت اتضايق ولا اشتكي لاني ماتعودت امن بمساعدتي لاحد واحتسب الاجر عند الله لاكن لما جاتني البيت كم مره مااشوفها تكلف خاطرها وتجيب معها شي وغير كذا تجي وتجلس تقلب بالقنوات وتتقهوى وتسولف ولا تحس على دمها مع اني ولله الحمد مرتبه ومايوصلون الضيوف الا كل شي نضيف ومرتب لاكن من الذوق انها تسال اذا فيه شي تسويه والا لا بس مره جابت معها معجنات وانا تفاجئت اول مره تكلف خاطرها وتجيب شي بس فضحت نفسها تقول كنت مسويتها عشا وصار زوجي بيروح الرياض وقلت اجيبها معي وغير كذا عيالها يسوون ازعاج فضيع وتخريب وهي فاكه فمها وتناضر عادي هنا قلت لنفسي خلااااااااااااص الانسانه هذي توبه اخذ معي شي اذا رحت لها وتوبه اساعدها انا رايحه ضيفه مو شغاله شكرا ياصاحبه الموضوع خليتيني افضفض وابيح سدي

مب لازم يجيبوو معهم شي بس أقل شي يمسكون عيالهم لايوسخون البيت وهو ماراح يتوسخ

صح ان ابتعب بالفطور وقبلها شغل البيت لكن نحتسبها عند الله
وانا ماحب اعزم كثير برمضان في وقت الفطور عادي بعد الفطور مافي اشكال بالعكس تعجبني زيارات مابعد التراويح اكثر من الفطور لان الفطور تعب وهده وماتفرحين فيهم ولافي جيتهم يمكن لوعندي شغاله واو كان كل يوم عزيمه بس لحالي والله تعــب

طيب لاتعزمون حد على الافطار .. زياره خفيفه بعد التراويح ساعه ساعتين

واذا تبي الاجر افطار صائم اعملي زياده بافطارك العادي وديه المسجد ..او لناس تعرفين انهم محتاجين

ي

صح والله الواحد يكسب اجر بالناس المساكين والفقراء احس الان العزايم سارت مفاخرة

وسفر كبيرة عريضة واكثر من عدد المعزومين كلة عشان المفاخرة والمجاكرة مو للاجر

لذلك الواحد يسوي اكل ويرسلة لمسجد ولا لجيران

ولا محتاجين افضل