فضفضة .. ضايقه فيني :(

مرحبا ي حوائيات
كيفكم ، محتاجه افضفض بقووه واسوني الله يخليكم
انا متزوجه من سنه و3 شهور وربي اكرمني بولد عمره 3 شهور الحين
معاناتي وهمي الاكبر ان زوجي كان موظف بقطاع خاص واستغنوا عنه
تخيلوا ي بنات مالنا دخل الحين ، انا متخرجه ولا توظفت ماحصلت بمدرسه اهليه
ولا اي معهد والمحافظه اللي ساكنه انا فيها مافيها وظايف كثيره
اقنعت زوجي يروح لمدن الشرقيه زي الدمام والخبر والجبيل يتوظف بقطاع خاص هناك رواتبهم اعلى
اتصفح الاعلانات وارسل له واقول له رواتبهم 6000 وبعضهم 7000 وتأمين طبي ويرفض يروح
مدري كيف راضي عن هالوضع !
ويفكر يدخل بمشاريع انا اقول له الأولى تدور وظيفه تضمن دخلك فيها واحسه طفش لما اكلمه بهالموضوع
احسه بارد من هالناحيه وكأن ماعنده طفل يبي حليب وحفايظ ومصاريف وملابس 
نعمة من ربي ان بآخر رمضان طلعنا واخذنا لولدي حوالي 8 علب من حليبه كبار وللحين عندي ماخلصوا كلهم
ونعمة من ربي ان اجار الشقه دفعه زوجي ل 6 شهور قدام قبل يستغنوا عنه الشركة ..
الوظايف الحكوميه معدومه وقليله وزوجي شهادته ثانويه عامه
عرضت عليه فكرة ادرس خصوصي وافق بالاول وتحمس معي بعدها هون يقول يمكن احد يعرف ان زوجته تشتغل تدريس خصوصي وتعايب الفكرة وقالي اشيلها من بالي مع اني ابيها انا شاطره بالانقليزي وبمواد اللغه العربيه
وقادره افهم اي احد يبي اشرح له ، المهم كنسلت هالفكره من راسي
والحين اضطريت اسوي حساب بالانستقرام وعرضت فيه بعض ملابسي واكسسواري للبيع :(
مرة. مهمومة ي بنات لاتقولون اطلبي من خواتك واهلك مابي افشل زوجي واطلب منهم انا استلم حافز 1500 بس يادوب يغطي مصاريفنا والله بعض اغراضي تخلص ولا اطلب من زوجي اخلي اللي باقي
من حافز لمصاريفنا الاهم ،، عطوني افكاركم ي بنات لزياده الدخل جربت التجاره الالكترونيه زمان بس ماكان علي اقبال كثير مع ان اسعار البضايع كانت رخيصه وربحي كنت احطه 30 او 40 ريال والله :(
هاتوا لي فكرة زينه ويقبلها عقل واحد بنفس تفكير زوجي مابي لاعرضت عليه الفكرة قالي والناس وش يقولون عنا !!!!
انا ببالي تصميم الازياء حابه هالمجال ودرسته بس صعب يبي له ميزانيه كبيرة. عشان ابدأ فيه 


مدري وش اكتب لكم واسوني الله يخليكم :(

والله يفتح ابواب الخير بوجهي ووجه زوجي ويرزقنا من حيث لانحتسب