فضفضة عن الحمل

السلام عليكم يعطيكم العافية ، انا عضو يديد بالموقع و حابة افضفض و يمكن احصل منكم دعوة حلوة او كلام يريحني .

انا متزوجة صارلي ٨ اشهر الحمدلله ، حاولنا انا و زوجي و خططنا للحمل من حوالي ٥-٦ اشهر ، بس للحين ما حصل حمل و كل مرة تنزل الدورة اتضايق و انفس و اصيح و اسوي قضية مع زوجي و هو مسكين يهدي فيني و يقولي توها الناس بيي في وقته ! اعرف كل هالامور بس وايد احاتي و اقول ليش للحين ما حصل حمل معنى اسمع الناس تقول سنه طبيعي ، ياريت احد يريحني بكلامه ويطمن بالي !!! و اذكروني بدعوة و ادعولي بالذرية الصالحة يارب

للعلم دورتي منتظمة يعني مرات تكون ٢٦ يوم مرات ٢٧ يوم مرات ٢٨ مرات ٢٩ يوم فتعتبر منتظمة ف الحد الطبيعي

و سويت فحص هرمونات الشهر الي طاف ثالث يوم الدورة و كلشي مضبوط طلع، كان البروجسترون عندي تحت بس لما راجعت الدكتورة قالت طبيعي يكون تحت بثالث يوم دورة بس باقي الفحوصات كلها سليمه ، ف ياريت تقولون لي ليش جذي قاعد يصير ؟ و اعولي