ليش يضيق صدرك على شي الله سبحانه قسمه بين عباده لحكمته. العبد يضيق صدره على الاعتداء على مقدساته على الظلم والعدوان الي قاعد يصير وإنا لله وإنا إليه راجعون.

الله سبحانه وتعالى يقول: ورفعنا بعضكم فوق بعض درجات لنبلوكم فيما اتاكم.

فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ* وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِكلا{الفجر:15-16}

ورسولنا الكريم كان يتعوذ بالله من الكفر والفقر وعذاب القبر.

الله سبحانه وتعالى هو اعلم بمصلحتنا ، الله يقول عن نفسه لا يسأل عما يفعل وهم يسألون.
الله يختبر الفقراء والمساكين بالفقر والجوع ايشكر ويصبر على ماابتلاه ربه ام يكفر فمن سخط فعليه السخط ، والغني يبتليه بماله اينفقه في مَا يرضي الله او ينفقه في مايغضب الله ايخرج منه الزكاة ايجمعه بطريقة شرعية وكذا.

وانتي اختي مو فقيرة الفقير هو قاطع الرحم والزاني نسأل الله العافية .

فيا اختي حمدي ربك على النعمة نعمة الصحة والأهل غيرك ماعنده يتيم واشكريه على نعمة المسكن غيرك في المخيمات . هذيلا بعد محسوبين يعني الله يختبرهم ايشكر ام يكفر .
انتي ماتدري عن حياة غيرك هو مستانس هل هو مقتنع كل واحد وقناعته في الحياة الدنيا دار ابتلاء وليس دار قرار .
اختي ناس ميتين بس يعتمرون عمرة مو يحجون لا عمرة وهمه تشوفينهم يبذلون الغالي والنفيس .
والله شرع لنا العمل والتجارة حتى نكسب قوت عيشنا ونتوسع في التجارة دامها في الحلال ونتعلم العلم اللي يفيدنا وينفعنا.

فنصيحتي لك ولغيرك ارضي بما قسمه الله لك واسعي لنفسك في التعليم تحصلين شهادة او علم او حرفة تنفعين روحك وتترزقين فيها لانه احسن من الجالس القاعد مايسوي شي . والحمد لله رب العالمين.
فنصيحتي لك

فيا

السلام عليكم ورحمة الله وبركاته
ماحد يولد غني لبد من التعب والشقى علشان تتعبين على نفسك بس قبل كل شي هديها على نفسك لا تفكرين زي كذا يعني لو متي هل الموت حل ؟ هل راح ينقذك ؟ تقربي من ربك وامك وابوك مو ذنبهم ماحد اختار يكون من ذي الطبقه اهم شي عندكم بيت يستر عليكم وان على قولتك تصيرين غنيه اتعبي على نفسك وبعدين وشو ذنب امك وابوك لو بيدهم كان عيشوك احلى عيشه الحين ربي يختبرك وابعدي عن الحقد والغيره لان مره راح تاذيك فيه نعم انتي ماتشوفيها بس يوم تروح بتدركين الوضع مدري وشو فيك انتي بس على تحليلي على وضعك ان الحقد والغيره مسيطره على قلبك لدرجه ماتشوفين شي يجيك غير آنك تبين اكثر اكثر اكثر وذي الاسلوب مو كويس ذا الشي بسبب بعدك عن ربك لازم تدركين الوضع الي انتي فيه مهما يكون كلنا فقراء والفقر ماعمره عيب بالعكس الواحد يشتغل عن نفسه فيه شغل واجد اشتغلي شي تحبيه وابعدي عن التكفير ذا وتقربي من ربك

من رضي فله الرضا ومن سخط فعليه السخط

حبيبتي بس كلامك شوي غير لا تفكرين ان وحدة فقيرة بتاخد واحد فقير مستحيل هذا الشيء
لان والله انا من طبقة جدا عادية اقل منك يمكن بس تزوجت واااحد جدًا غني والله يعني مافي شيء ناقصهم من سيارات وفلل وخدامات عندهم كل شيء
والله مافي دولة اهل زوجي سافرو لها يعني في السنة الواحد يسافر مرة تقريبًا هم كله إجازة عادي تكون اي إجازة حتى لوكانت ثلاثة ايام يعني البيت يكون فيلا كبير وفيه اربعة خمسة خدامات بس قسم بالله ما شفت الحلاوة الي شفتها في بيت ابوي تواضع وحب اهل زوجي كل واحد يشوف الثاني كل واحد يقهر الثاني بفلوسه وبعدين انا فكرت اهل السعودية كلهم اغنياء

هو صح انا اتهنيت قبل الزواج ما كنت اعرف ماركات زوجي اشترالي تقريبًا كل شيء ماركة بس ما احب سعادة القلب في هذا