فضفضة .. لكل وحده فيكم زوجها عقيم مثل زوجي ..

الله يفرجها عليكم يارب ويشفي زوجك ويرزقني واياك الذريه الصالحه

الؤلؤ يارب يجبر بخاطرك ويرزقك ماتتمنين تاكدي انك منتي لحالك
عندك انا نفس الحاله زوجي عقيم من 8سنوات وقريب بكمل 9سنين وبداخلي غصه من الهم والعجز ماني قادره اسوي شيء لاني تعبت والله من عرفنا بموضوع العقم علاجات ومستشفيات وسفر وعمليات وللان مافي شيء معروف لا الدكتور يعرف ولاحنا الناس تحمل وتولد وناس تزوجو بعدي صار عندهم 4اولادوانا باقي حتى طفل واحد عجززت احمل فيه اااه يارحمتك طبعا زوجي عنده عقم تام ماعنده حيونات منويه والحين اختي الاصغر تزوجت وحملت وهييييناخلاص زاد فيني الاصرار والشوق ابي اصير ام باي طريقه بس الحمد لله على كل حال مومكتوب
وكيف اقضي وقتي عادي الاغلب لحالي جالسه واروح لاهلي يوميا
وبالنسبه للحمل راح احاول بعمليه حقن مجهري عن قريب وربك كررريم


وانتي اذا في امل في زوجك خليه يسوي مسح مجهري وابدي سوي عمليه حقن مجهري مع التوكل على الله والاستغفار وسوره البقره والدعاء لانه الحزن والندب على الحظ مارح يفيدنا بشيء لازم نتحرك قبل فوات الاوان

حبيبتي مافي شي بعيد على رب العالمين
توكلي عليه وفوضي امرك له ارمي حملك وهمك عليك وان طال الزمن الله رحمته علينا اكبر من رحمته على انفسنا.
انا قضيت فتره من زواجي عندنا انا وزرجي مشاكل. بالانجاب. بالبدايه زعلت كثير واعترف اني تسببت بمشاكل كثيره بينا اخلط الاوراق. بعدين لجأت لرب العالمين ورحت ادرس دروس دينيه وشغلت نفسي ماصار عندي وقت واخر شي كنت ادعي فيه هو الحمل والحمدلله
اشغلي يومك وبنفس الوقت حبي زوجك واحتويه وزين عملتي انه محد يعرف سركم انا وزوجي كذا ترى مهما يكون الزوج هو الاساس. حتى لو بيوم الله بيعطيك باذنه بتحسي انه هو الاساس وهو الحب بعدين يجون الاطفال.
واعملي بالاسباب لو في امل صغير مره بالعلاج تمسكي فيه
والله يمن عليكم ويرزقكم بما يسركم والناس ماعليك فيهم ترى ما يعجبهم شي وهاذي كتبه رب العالمين. كنت اقول حتى الزواج فيه نسبه اختيار منا وتوفيق من رب العالمين لكن الحمل ابدا مو بيدنا مهما سعينا له ربك كريم واعلم بالحال والاصلح اهم شي الرضا بقسمته ونصيبه وكله باجره ما يضيع عند ارحم الراحمين.

اسأل الله العظيم مع بداية صباح جديد واذكار تملا حياتنا راحه وسكينه .ان يرزقني واياكن جميعا خواتي الذريه الطيبه ويشفي ازواجنا شفاء لايغادر سقما.
محد يا اختي اختار حياته ولا قدره الله راد لنا كذا سنين طويله وانا صابره واسأل الله ما اكون ف يوم سخطت او جزعت او استعجلت
اكيد اني زي كل متزوجه احلم باطفال وزوجي اكثر ياقلبي احيان من كثر قلة الحيله اقول ليتني انا بداله ع الاقل احس الحريم يهتمون ف العلاج ويواضبون عليه مو زي الرجال يبغون صحيح بس مو بيدهم ناقصهم انضباط .المهم حياتي عاديه واقضي وقتي ف البيت ماحب الزيارات اطلع ارفه ع نفسي مع زوجي بس وازور اهلي واحيان حتى اهلي ماودي اني زرتهم..بالنسبه لك يا اختي صاحبة الموضوع جربي علاج القيسي تعالج انعدام الحيامن يارب يكتبلك ع ايدها الشفا لزوجك وحاولو لا تيئسون

ماحد مرتاح جلست سنين انتظر الحمل والحمدلله ربي عوضني ورزقني وشوفني ماكاني خلفت الكل يسئل مافيك شي مانتي جايبة ثاني كانة الامر بيدي
انا من راي تسوي حقن واحد ورى الثاني لين ربي يكرمك ترى الحقن نفع ناس كثير كانو مستحيل يحملو
الحقي عمرك قبل يفوت الفوت