فضفضة .. للي عندها نصيحه او كلمة تخفف عني ..والله تعبانة

ماتخيلت يجي يوم يتعبني مثل الموضوع هذا ...

والله فيني ضيقه وغلقه الله العالم بها ...

الموضوع انه لما عرفت اني حامل في بنت .. اخترت لها اسم .. من الشهر السادس تقريبا ..ووافق عليه زوجي ..

وبديت اناديها فيها الليل والنهار .. حبيتها وحبيت اسمها قبل اشوفها ...وماعلمت احد بالاسم عشان مااحد ياخذه مني ...

واول ماولدت اعلنت للناس كلهم اسمها .. الكل قال حلو ورائع ..

بعد اسبوع قال زوجي اختاري اسم غيره .. على بالي يمزح او مجرد يسولف ..اخترت له كم اسم من ضمنها لينه...

قال خلاص لينه حلو ... بنسميها لينه .. انصدمت ..انجنيت ..شوي وتجيني جلطه..

بعد مشادات وخلافات سماها لينه من غير رضاي (على فكره اسمها لينه مو لينا يعني النخله الصغير ومذكوره في القران )

عمر بنتي اسبوعين الحين .. واالله اني مووووووووووو متقبله اسمها ابدا ...
والله احس اني ظلمتها وابوها ظلمها بالاسم هذا ...

ماني مقتنعه فيه ابدا خصوصا بعد الاسم الاول اللي سميتها اياه .. مو لايق عليها اسمها اابد..

والله حاظنتها واقول سامحيني ان كنت ظلمتك ..اتخيلها كبيره وزعلانه ومو عاجبها اسمها .. الكل حولي مو عاجبهم ومو قادرين حتى ينطقوه ..يسمونها اسمها الاول ..وكثير حريم حولي قالوا خلاص بناخذ اسمكم الاول ..

لااله الا الله ...
والله حاسه اني بنفجر ..حتى بنتي الكبيره مو راضيه تقول اسمها ...قاعده افكر اقنع زوجي يغيره...
لكن اخاف الموضوع ياخذ وقت طويل ونظلم البنت اكثر

آآآآآآه لااله الا الله ....ادعوا لبنتي الله يحببها بأسمها ويختار لها الخير وين ماكان ...

لاحول ولاقوة الا بالله ....