فضفضة ماضي 💔

السلام عليكم
بنات الله يسعدكم سجلت عشان بفضفض لكم مخنوقه حيييييييل 😭😭😭
انا تزوجت ودام ٣ سنوات وبعدها انفصلنا بحكم المشاكل التافهه اللي ماعرفنا نسيطر عليها وهذا اكبر غلط وكانت جدا تافهه وهو عصبي وعنادي وانا الفتره الاخيره طفشت ولا قدرت اتحمل عصبيته او اسيطر عليها من قوتها 😭 وبرضو ماربي كتب لنا طفل او طفله يملون حياتنا فكان طول الاوقات انا وهو وبسسس زي مايقولون قوة الاحتكاك احيانا تولد التنافر المهم حصلت مشكله تافهه جدا وعصب ونطق الطلاق بعدها حاول يرجعني حاول يشرح لي ماعطيته مجال ولا فرصه حاول لمدة ٤ شهور ينتظر كلمه او شي وانا مااقدرت لانه اهاني ومد يده وكانت قبلها تحصل مشاكل واسكت عنه وماراعى شي انقهرت كثير 💔 رغم اني اموت فيه ولحد اخر يوم بعمري 😭 وهو كذلك ومتاكده من هالشي 😭المهم ابد ماقدرت اسمع له وبعدها طلبت ورقتي وهو تزوج وكم شهر وطلق زوجته والحين كل كلماته بالمواقع اللي عندي حزن وشوق 😭 بالرغم من انه مايعرف اي تواصل لي لاني غيرت كل شي يخصني الا موقع واحد باقي ماغيرته واحسه شاك اني اراقب ويش يكتب والله واحشششششني حييييييييييييل 😭😭 فقدت صوتك
اتذكر ريحتك وسواليفك حتى طريقة اكلك للحين اتذكرها ليش سويت كذا ليش نطقت هالكلمه ليششش 😭😭😭 اتذكر شقتنا الصغيره احسها فاقده اثنين تعودت عليهم ٣ سنين 😭💔 احس كل زاويه بشقتنا فاقده لقطاتنا واستهبالنا مع بعض احس مطبخنا الصغير وحشنا وتعود كل يوم خميس ندخل ونحوس فيه ونطبخ سوا 😭💔 صورك ف جوالي اسمك رقمك مسجاتك ذكرياتك سفراتنا طلعاتنا استهبالنا 😭😭💔 اه وين اروح منك وين 😭😭 تذكر شهر العسل بتركيا بعز الثلج كنت ميته برد واحنا برا اخذت جاكيتك ودفيتني فيه تذكر هالحنيه كلها 😭😭😭 تذكر اسماء عيالنا اللي اتفقنا نسميهم تذكر واحنا نتسوق وعجبنا فستان بنوته واخذناه لبنتنا اللي ربي ماكتبها 😭💔 تذكر كنت تطلع الصاله وتصلي بعد ماانام وسمعت صوتك بالصدفه وانت تناجي ربي بدموعك عشان يرزقنا طفلنا اللي ماشفناه ولا راح نشوفه 😭😭💔 ريحتك للحين اتنفسها عجزت انساها عجزت 💔 تذكر كل ديره رحتها معاك مانسيتها 😭 بس كرهتها ولا ابي اسمع حتى اسم كل مكان رحته معاك يصعب علي اروحه بدونك 😭 تذكر لمى هاوشتني بلا سبب وبعدها جبت لي هديه وقلت قاصد اسوي كذا جى ببالي اشوفك زعلانه واراضيك 😭 واخخخخ ياليتك تدخل هنا بالغلط وتقرأ 😭😭😭💔 ليتني اموت الف مره عمري ماتوقعت بيجي يوم كلمة منك تفرقنا وابعد عنك 😭 ادري انك حاولت تتزوج وتعيش وتنساني وتنسى ايامنا بس ماقدرت 💔 تراني مثلك ولا راح انساك لين الله ياخذ امانته يالغالي تذكر العاب الاطفال اللي كل مره تقول لو عندنا طفل اخذ له المحل كله اخخخ افترقنا ولا راح ناخذ العاب ولا نشوف طفلنا 😭😭اه بس ليته جى ع الاقل شي من ريحتك بين يديني تصدق اشتقت لكل تفاصيلنا الصغيره 😭 اخخخ اقول ايش ولا ايش 😭 والحين كبريائك وكبريائي حاجز بيننا ولا راح نعرف نتخطاه 😭 اه يابنات ابي كلام يريحني تكفون مابي كلام يغث يكفي نفسيتي من شهور ماتغيرت 😭 سجلت من زود ضيقتي😭💔