فضفضة مجهضه

السلام عليكم ورحمة الله وبركاته

انا بكتب لكم وقلبي مكسور وحزينه جدا
انامؤمنه بقضاء الله وقدره مؤمنه بان كل شي كاتبه ربي فيه خير لي والحمد لله على كل حال ♥

ولكن انا ابي افضفض تعبت كاتمه في قلبي زوجي موفاضي مشغول على طول مداوم او في استراحه واذا جاء ماالقى وقت مناسب احكيله .
وامي واخواتي ماراح يفهون الي جواتي
امي الله يهديها مو من الحريم الي تنصح وعندها اسلوب واخاف احملها هم فوق همومها
واخواتي اصغر مني ومش متجوزين .

فمالي غيركم

انا يابنات متزوجه من 5 سنوات وكل مااحمل يجهض
يوصل الاسبوع السابع ويوقف ويكون كل شي تمام

رحت سويت تحاليل في افضل مستشفى وارسلو عينات خارج البلد وكل شي سليم مافيه اي مشكله نهائي .

وحملت بعدها للمره الثالثه وانا كلي تفاؤل وسمعت نبض الجنين وبعدها بيومين توقف نموه واجهضت .
تعبت نفسيا وجسديا مارضى ينزل الا بعد 3 شهور تخيلو جلس 3 اشهر ميت في رحمي .

بعد هذا الاجهاض سويت تحاليل كمان وطلع كل شي سليم.

الان انا اعاني لما اشوف وحده حامل او بيبي صغير والله احزن واجلس ابكي . بس ماابين لااحد شي مااحب اكون الانسانه المكسوره قدام احد حتى زوجي اداري عنه احساسي
واقسم لكم بالله انو مهوحسد والله اتمنى لهم كل خير بس نفسي اكون مثلهم اجلس اسبوع مكتئبه وابكي وادعي ربي يرزقني الذريه الصالحه .

حتى الي حواليه مايبشروني بولاداتهم اقرب الناس بيخبون علي واسمع من برا يخافون احسدهم واحزن زياده ويحز بخاطري . مع اني افرح لهم واتمنى لهم الخير لكن الواحد وش يقول غير الله يحسن الحل .

عارفه مااحد راح يفهم مشاعري الا الي مرت بتجربتي :(

ادعولي يابنات ربي يكفيني شر الاجهاضات ويرزقني بالذريه الصالحه .

استودعتكم الله