الاشكال هذي ماتدري ان الحوادث ممكن تصير لاي انسان؟ ماحد يدري وش بيصير له مستقبلا

(١) اياني واياك تتركين دراستك... دراستك وشهادتك و وظيفتك شغلات ابدا لا تفكرين تتنازلين عنها... لا باعاقة ولا من غير اعاقة٫ هذي شغلات ماحد يتناقش فيها!! ابجديات... مافيه شيء بينفعك كثر شهادتك... اهلك مو دايمين العمر كله... اليوم فاضين وبكره بيتزوجون وكل واحد بيروح بحال طريقة... والا الرجال ان جاء وان راح ماتدرين يستحقك وبيهنيك والا بيطلع عينك... مري على قسم الاسرية شوفي المشاكل الي تشيب الراس...

(٢) ابد لا تدخلين بنيات الناس٫ لا تدخلين بنيات اهلك وانهم ينغثون منك و و و... وش يضر الواحد يشيل الكرسي والا يشيلك ثواني الموضوع ماياخذ وقت!! بالعكس اطلعي وخليهم يتمشون و وسعي صدرك...
والمراة الي قالت لك لا تخلين بنتك تقهقه مع البنات مو لانك معاقة !! مادري ليه افترضتي كذا... لكن فعلا الامهات الكبار مايحبون الي تضحك كثير وتسولف كثير٫ يحبون الرزانة... وطقاق ياختي يطق الي مايعجبه! كوني زي ماتحبي انك تكونين ولا تتحسسين من كل شيء ينقال لك وتفترضين انه بسبب الاعاقة... والله ياكثر ما ينقال لنا من حكي ونعديه... (ادخلي القسم الاجتماعي بتلقين موضوع لواحدة صغيرة امها وخواتها يضايقونها طالعين نازلين.. هذي مو معاقة وماسلمت من الاذى النفسي... مو اذا احد انتقد شيء يخصك تفترضين ان الاعاقة هي السبب...)

كنت دائما اميز طلابي الي عندهم احتياجات خاصة بكل انواعها٫ كنت ادورهم دواره عند الادارة... والله كنت احبهم من قلب٫ الله يشهد مو شفقه... لكن كان فيهم شيء يميزهم عن غيرهم٫ يمكن امتنانهم كان يبين وصادقين فيه؟ واذا مزحت معهم يتجاوبون بصدر رحبه٫ من غير مجاملات٫٫٫ على عكس الباقين يحسسوني ان هذا واجبي والمفروض اسويه

السلام عليكم

فيه واحد معروف ويطلع في الاعلام احيانا وطلع مره اتوقع في برنامج الثامنه مع داوود وعندها حساب في الانستغرام (( لو لقيته بكتبه لك هنا ))

المهم هو كان ضابط وصار له حادث وصار مقعد ، المهم اتذكر انه كان يتدرب في مراكز معينه بحيث انه يقدر يخدم نفسه ومايعتمد على اهله وكان فيه قسم نسائي ، يعني يقدر ياخذ الشي اللي يبغاه حتى لو كان علي ويقدر ينزل ويطلع الدرج لوحدده ويركب السياره ويطلع....الخ عشان مايصير عبء على احد ،،

فانا انصحك انك تسجلين في مثل هذه المراكز عشان ماتحسين بالشفقه من احد وتقدرين تطلعين وتسوين كل اللي تبين



الشيء الثاني هذا الشاب ، قبل فتره قريت انه قاعد يتعالج وتحسن كثير ماشاءالله والعقبى لك وصار يوقف ويقول قريب بيمشى ماشاء اللللللللللله ويترك الكرسي الله يبشرك بهذا الخبر قريب وانتي لاتيأسين والله انا كنت احسب اللي مقعد معد يرجع يمشي بس يوم شفته هو صار يمشي تفااائلت ، لاتنسين ان يوم عرفه قريب ادعي الله في كل اللي بخاطرك ، ومو بس عرفه ، ادعي دايم في اوقات الاستجابه والثلث الاخير من الليل بكل اللي خاطرك فيه

اما كلام الناس ، معليش حبيبتي وش عليهم منك؟ شايلين الهم معك؟؟ الا اضحكي وانبسطي واذا احد قالك ليه تضحكين قولي خير عسى ماشر سويت شي مايرضي ربنا؟؟ ولا سويت شي مخل بالاداب؟ ابد لاتسمحين لاحد يكتمك ولا يتحكم في حياتك ، عيشي بالطول والعرض واذا احد جاب سيره انك ماراح تتزوجين عشانك ماتمشين قولي لهم الزواج نصيب وانا ماشكيت لكم شي وانا مبسوطه الحمدلله ماني منتطره رجل يسعدني . وخطأ عليهم يعني انتي ماقد شفتي مقعدات متزوجات؟ انا قد شفت .

وشهادتك هي مستقبلك محد بينفعك من الناس طنشي كلامهم ، هم يدرسون ويأمنون مستقبلهم وانتي يبغونك تقعدين لا والله !

ربي يرفع عنك الضر ويسعدك في الدنيا ولأخرة

يابعد عمري تكفيين كملي دراسك بكل ما اوتيتي من قوه
باذن الله بس تتخرجي تنفتح لك الدنيا وتتوظفي وتكوني نفسك
خليك مثابره واصرارك قوي ..الانسانه الطبيعه الي ماتعاني من شي كذلك تتعرض لمثل مواقفك
ربي يسعدك دنيا واخره ويعوضك ويرفع قدرك هالدعوه من قلبي بين الاذان والاقامه المهم خلي املك بالله كبيررررررررر