فضفضة مع كل حامل، تفكر بالحمل

vip_sa :

قولي الحمد لله اللي تقدرين تحملين وتتكين التسع اشهر وتولدين شايلة ضناك … . ولله ياخيتي ان هالتعب يعتبر قيمة تشترين بها الضنا ، ماتسمعينهم يقولون الضنا غالي .. لوما التعب مازادت غلاته.. الكل يتهب لكن التعب درجات ، وأنت يبدو لي عندك عارض نفسي وتوتر وشوفي فقر الدم لو عندك .. . بالعكس انبسطي واسفهلي يوم تحملين.. تدرين ياخيتي ان لي سنوات من احمل انسدح من التعب ومن يبداني الغثيان انبسط واسفهل ومن ادوخ اقول الحمد لله ، كنت كل ماشد تعبي احمد ربي واشكره بلاي اعرف ان هذا من أثر الحمل ، من شدة حبي للي ببطني كنت انبسط يوم اتعب لأني أعرف ان هالتعب والوحام دليل على ان الجنين حي … ماتصدقين كمية الحزن باليوم اللي أصحى فيه من النوم والوحام انقطع والتعب راح ، أبدا اتعوذ من ابليس وزوجي يترجاني اروح للمستشفى وخواتي يخافون واهل زوجي والكل يدري ان وحامي قطع .. ومن اروح للمستشفى واسوي الأشعه يقولون لي الله يعوضك خير .. . ادري طولت عليك لكن فعلا أبيك تستشعرين غلاة الضنا وتحملين قبل تكبرين وثم تتحسفين ، التعب ولله يروح ، احملي وجيبي لك كم طفل وبشرينا فيهم ❤️

قولي الحمد لله اللي تقدرين تحملين وتتكين التسع اشهر وتولدين شايلة ضناك … . ولله ياخيتي ان هالتعب...

•ريــم• :

وعليكم السلام مو كل الحريم في حملهم مثل بعض، بعضهم مايتعبوا منه وبعضهم يتعبوا لكن يقووا نفسهم وبعضهم يضعفوا ويخافوا اكثر . انتي يمكن حصلك موقف في الحمل خلاك ماتقتنعي تحملي ثاني او من التعب اللي كان فيك صرتي تخافي انك تتعرضيله ثاني ف انتي لازم تعرفي نفسك وتجلسي مع نفسك وتشوفيها من كل الجوانب وتسالي نفسك ليه ماتبي تحملي ثاني ؟ وليه اخاف من الحمل ؟ وهل كنت قاسيه على نفسي في فترة الحمل ؟ هل كان في شي مؤذيني لما كنت حامل؟ لازم تعطي نفسك طاقه لاتستسلمي للتعب غيري روتينك عشان تتحسن نفسيتك الجنين محتاج نفسية الام كويسه صح انه مو بيدك لكن حاولي، النفسيه جدًا مهمة للإنسان فما بالك انك حامل ( تزين النفسيه يزين الجسد ) الله يقومك بالسلامة ويتربى بعزكم ودلالكم ويحفظلك وليدك يارب والله يكتبلك ولأمهاتنا الأجر .

وعليكم السلام مو كل الحريم في حملهم مثل بعض، بعضهم مايتعبوا منه وبعضهم يتعبوا لكن يقووا نفسهم...