السلام عليكم ورحمة الله وبركاته
اخباركم
انا حايه اتكلم بموضوع وانا متأكدة وعاااارفه ان كثير يعانون من هالمشكله
انا وحده متاخره بالحمل وغيري كثير نفس الشي ونفسياتنا تتعب من اي كلمه من اي شي
يجون ناس ويبدون يسمعونا هالكلام ( ماحملتي - رحتي كشفتي - اعرف دكتورة ممتازه روحي لها - اعرف مداويه شعبيه يمدحونها - استخدمي هالخلطه وحده جربتها وحملت - لو انك حملتي معي تلقين طفلك كبر طفلي - شدي حيلك وجيبي انا بيبي - وووووووو ) ماينتهي ابداً
طيب انتم قلتو هالكلام ماتقولين يمكن داخلنا يحترق وحنا ساكتين
اقسم بالله اننا نعرف افضل الدكتاتره واحسنهم ولو تبين انا اعلمك
واعرف هالخلطه وهالحرمه
لاتحسبون اننا جاهلين ولا سوينا شي
ليه ماتقولون ممكن المشكله من الرجل لااااا الا تحطون العيب في الحرمه
وتجيك وحده حامل واطفالها حولها وتقول وش لك بالبزران ووجع الراس يعني بكلامها يقال لها تخفف عنك
ياختي ماجربتي سنين تتمنين طفل لاتتكلمين انتي انعم الله عليك وحملتي ولا واجهتك مشكله
او اللي ترسل لك ارقام لدكتوره ومداويه او تقول تبين اجيب لك من خلطه فلانه
او تقعد تسأل امك وخواتك ماحملت يقال لها ماتبي تقول بوجهك عشان ماتنجرحين لاتخافين لاحملت بتشوفين بطني قدامي
واذا الله اكرم وحده منا وحملت قالو اييييه انابيب مدري هو حرام وانا مادري
ويالله تبدا ماتخلي احد ماتعلمن فلانه اخذت سنين ماحملت وحملت بانابيب
ياناس حنا بشر نبي اللي يرفع يدينه ويدعي لنا نبي اللي يطبطب علينا مانبي خلطات وهالكلام نعرف والله نعرف واحسن منكم
ياختي خلاص شفتي وحده تاخرت بالحمل لاتسألينها ماحملت وش فيك خوذي هالخلطه اعتقونا لوجه الله ترى والله ثم والله ماجلسنا مكتوفين الايدي
والله رحنا مستشفيات وصرفنا فلوس بالهبل وعرفنا من الدكتور الزين من الشين لاتجين انتي وتقولين روحي كاني ماتحركت
وبس هذي فضفضه اتمنى توصل للناس ويخفون علينا
والله يرزق كل وحده مننا متاخره بالحمل عاحل غير اجل ويتمم لها ويمسح على صدرها ويبشرها بما يسرها ويكف عنها مايضرها
سابتسم رغم الجراح @sabtsm_rghm_algrah
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
انا الحين صاروا يقولولي اكثر من كذا حد يقولي مهمله وحد يقول فاكه ثمك لين زوجها يتزوج عليها،، لا وبعد وحده كلما تجلس معي قالت اقوم اصلي قيام الليل وأدعي ربي عاد ما اأسوي عيال واللي تقول حظك مرتاحه تروحي وتجي ع كيفك ما عندك عيال يطفروبك وكلام كثير تخدرنا منه صرنا متخدرين من كل شي،، ما يعرفوا صرنا طبيبات نساء من كثر العلاجات والتجارب اللي نستخدمها،،
ربي يفرج علينا ف هذا الشهر الكريم ويرزقنا من واسع فضله يا كريم