فضفضة وابي حل أرجوكم بابنات المنتدى الرائعات

السلام عليكم بنات
انا متزوجة من ١٨سنة تزوجت صغيرة بالعمر وزوجي اكبر مني ١٣سنة عشت حياتي بين شد وجذب جبت اطفال في وقت انا متزوجة من خمس سنوات زوجي ادمن العادة السرية وبدا يقل في معاشرتي واصبحت مرة في الشهر وكنت في العشرين اكتشفتة مدمن للعادة وحاولت اعالجة ومافي فايدة ابد يفضلها على المعاشرة الطبيعية والي يصير بيننا مرة في الشهر بدون مقدمات وللا عاطفة واا احساس عشت حياتي كذا كم سنة وزوجي كان مايجيب لي هدايا ولا ذهب ولا ورد ولا شي وانا اصلا طلباتي قليلة بحكم ان زوجي والدينة متوفين ولانخرج كثير
فمااحتاج ملابس كثيرة انا واولادي وكنت اتمنى جوال وايباد الا ان كل جوالاتي اشتريها بفلوسي ابيع ذهبي وازيد على الجوال ال واشتري جو ال قديم لين خلاص ماعندي ذهب واصلا ذهبي يادوب طقمين صغار وكم خاتم عشان ارخص وبعد طفلي الثالث زوجي هجرني هجر تام في الفراش حاولت ارجعة بس مافية فايدة وهذا الشي مرة اثر على نفسيتي سنوات مالمسني ولا عوضني بفلوس ولا هدايا ولا شي
بعد ماجيت الحين اخر الثلاثين حسيت ان شبابي كلة راح هدر مع زوج ماحبنيي لما صديقاتي يحكوا عن ازواجهم ورغبتهم فيهم والهدايا الي يجبونها لهم اذكر الله عليهم وادعي لهم ربيي يتمم عليهم واحس في قلبي غصة احس بإنكساراكرة زوجي
انا ابغى اتخلص من ذا الاحساس احساس اني عشت موب سعيدة مع زوجي مادري ليش هذا الاحساس زاد عندي مرة لما تعديت الثلاثين طبعا مايحتاج اقول زوجي والمشاكل الي ماتخلص معة ولعد برا فيني اي صفة حلوة كل الصفات الي يشوفها فيني سيئات
مايشوف ايجابيات فيني ابد يعني العلاقة دمااار عايشة بس عشان عيالي ولا زوجي ولا فكر فيني ولا حلم
حتى صرت اتعب تعب جسدي او اصابات واطول مااتشافى قلت يمكن من الحالة النفسية الي انا فيها السنوات الاخيرة من ذا التفكير الزفت صرت احس حياتي دمار ماتهنيت بشبابي لا في مشاعر وحب ولا هدايا ولا سفر ولا شي
ماادري وش الي فيني ابي علاج تعبت والله تعبت نفسيا وجسديا
وابيكم تدعون لي ربي يشفيني ويعافيني وارجع اخدم بيتي وعيالي بالصحة والعافية
انا خايفة اكتب تفاصيل اكثر انعرف عشان اخوات زوجي وسلايفي في المنتد،ى واخاف يعرفوني