صباح الفل/ مساء الفل ، عاملين إيه
يا بنات ايش قصة الوظائف عندنا بصراحة تعقدنا بس تقريبا اكتشفت السر ولا ليش سر ، المسألة واضحة وضوح الشمس عشان تقدرين تحصلين على وظيفة مناسبة لازم يكون لديكي صفة من الصفات التالية أو بعضها أو كلها
أولا : طبعا الواسطة
ثانيا : لازم يكون تخصصك كويس وهذي مو دايما تنفع الحين صار مالها قيمة كبيرة عند كثير من الشركات
ثالثا : لازم تكوني آنسة أو مطلقة المهم ما يكون عندك زوج وأسرة وأطفال ، يقولو الآنسة تقدر تتفرغ للشغل وتركز فيه بشكل أفضل ، الله أكبر ، يعني لازم نتطلق عشان نشتغل بجد حرام عليهم ، بعدين من قال الآنسة أو اللي ما عندها زوج تركز بالشغل أفضل ، هذي ممكن يكون كل تفكيرها بالعريس والقلق ممكن يخليها ما تنجز العمل بشكل أفضل ، لكن الزوجة استقرارها النفسي و زواجها ممكن يساعدها تركز بشغلها وتنجزه بشكل أفضل خاصة لو كانت محتاجة مال ومادة عشان تساعد زوجها وتحسن من وضع أسرتها المادي ولو كان زوجها متفاهم وعندها خادمة أو وحدة تهتم بأطفالها وأصلا انجاز العمل بشكل أساسي ليس له علاقة بالحالة الإجتماعية بل بشخصية الإنسانة نفسها وطريقة تفكيرها ونظرتها للحياة
رابعا : لازم تكوني صغيرة العمر صبية عمرك تحت ال 25 وياريت لو كنتي مراهقة في سن ال 18 سنة ، على فكرة تذكرت عرض وظيفي مرة يضحك طالبين موظفة شابة عمرها لا يزيد عن 25 سنة ، فعلا عليهم كلام مثير للسخرية يعني مثلا اللي عمرها 26 سنة هاي شو بيعتبروها ختيارة يعني ، لك شو هالعالم يللي عنا ، بصراحة شي ينرفز طيب احنا الحمدلله لسة بعز شبابنا يعني لازم نكون تحت العشرين أو في بداية العشرينات عشان نتوظف ، فعلا تخلف خليجي وعربي كمان ، أنا قرأت عن وحدة في ألمانيا عمرها 55 وقبلوها بوظيفة كويسة جدا ولا تكلمو بالعمر ، لك يا عالم شو هاد الشباب شباب القلب والله يديم علينا الصحة وفي الغرب تلاقو الواحد عمره 80 سنة ويشتغل زي شاب عندنا عمره عشرين سنة وبعدين العمر ليس له علاقة بالشباب ، اللي عمره عشرين ممكن يموت بعد سنة وحدة بس واللي عمره 80 سنة ممكن يموت بعد خمسين سنة ما سمعتو عن السعودي اللي في القصيم وعمره 130 سنة ، الله يطول بعمره أكثر وبأعمارنا جميعا وبصحة وعافية، والله يا بنات خايفة نوصل لسن التقاعد واحنا ما توظفنا ، زوجي يقولي اصبري إنتي لسة شابة قدامك عشرات السنين لحد لما توصلي لسن التقاعد ، بس والله اللي مضايقني تخرجت من كم سنة ولحد الآن ما توظفت حاسة إني قربت أنسى تخصصي بس الحمدلله على الإسلام والحمدلله على الصحة وعلى نعمة العقل
بس لازم نفكر بالمستقبل ونشوف حل لهمومنا يا بنات
ايش هو الحل بنظركم والله إنو زوجي موظف بنك كبير وأقوله وظفني في البنك عندكم خاصة إنو ما شاء بانكر معروف وأغلب التجار الكبار يعرفوه ، بس تعرفو إيش يقولي
ليش يا يا دلولا إنتي فاكرته بنك أبويا والتجار اللي أعرفهم كيف أقولهم وظفو زوجي ، ممكن يفكروها طلب رشوة بطريقة مختلفة / لا ويدلعني كمان عشان ما أزعل ،،، ودخل مواضيع الرشوة وهي كلها بس واسطة ،،، هو زوجي أهم شي عنده المباديء وما يدخل شغله بالعلاقات الشخصية
إي بنات تذكرت في شرط مهم عشان تتوظفو وبدأ ينتشر بالفترة الأخيرة ، عشان تتوظفون يا حلوات لازم تكونو رشيقات الشكل اللائق ، تلاقو هذا الشرط في عروض الوظائف تبع موظفات الإستقبال وحتى بعض المدارس والشركات ليش احنا رايحات نقدم وظيفة عارضات أزياء ، مشاء الله علينا حلوين والطول روعة بس مشكلتنا الوزن الزائد والله إني من كثر التفكير صار ما عندي حتى رغبة كبيرة بالأكل ونقصت خمس كيلو بثلاث أسابيع ما شاء الله وناوية أحط موضوع بقسم السمنة عشان السمينات اللي مثلي يستفيدو ، في طريقة طبيعية تخليكي تخففين الأكل ، راح أقولكم عليها تابعوني بقسم مشاكل السمنة خلال هاليومين
نرجع لفضفضتنا ، المهم يا بنات ، الآن عرفنا الوظائف صعبة مرة وعرفنا الأسباب والأزواج مو دايما يساعدون أو مو دايما يقدرون يساعدون مع إنهم ما يقصرون ماديا بس الوظيفة مو بس فلوس ، واحنا درسنا وما نبغى نعيش بس عشان ننام وناكل ونربي أولاد ونهتم بأزواج وبعدين نموت بعد عمر طويل ، لكن لازم يكون لنا دور بالمجتمع والوظيفة أمان لو بيوم الزوج تغير لا سمح الله أو تزوج وحدة ثانية وأخذته منك والأولاد يتزوجو ويعيشو حياتهم ، طيب واحنا وين حياتنا ومستقبلنا
ايش رأيكم با بنات نعمل مظاهرة ـ نحط ايدينا على خدنا ونصبر ويضيع العمر منا واحنا نصبر – نرفع برقيات شكوي للملك – نهاجر زي اللي هاجرو للكويت وقطر وغيرهم – ايش نعمل - ناخذ دورات دراسية كمان - نسافر وندرس دراسات عليا تعزز فرصنا بالوظيفة المناسبة طيب وين الفلوس
فكرت وفكرت وفكرت ويا ليل ما أطولك ، الإنتظار يقتل فينا الأمل ممكن جدا يحصل هذا الشي وتكثر حالات الكآبة والعصبية والمشاكل الأسرية ، طيب ايش الحل
أنا ما لقيت أفضل من التجارة ، البزنس وهذا الكلام معروف / طيب احنا عارفين انو في تعقيدات في مشاريع المرأة ، طبعا هالكلام بدأ يتغير والحمدلله ، يمكن لحد الآن مش مسموح لنا ندير مؤسسة خاصة فينا في مجال العقارات أو الإستيراد أو المقاولات وغيرهم ،،، لكن هذا الشيء قرب يتغير والنساء صارو يشتغلو بائعات في الأسواق العامة وصار ممكن يفتحو ويديرو شركات هندسة وديكور ويفتحو كوفي شوب نسائي على شارع عام ومحلات تسجيلات دينية للنساء على شارع عام أنا شفت محل نسائي بهذا المجال بشارع بوسط الرياض لبيع كل ما هو متعلق في التعليم الديني المرئي والمسموح ومحل نسائي / شيء رائع / طيب احنا ليش ما نستغل هذا الشي ، الشي اللي مسموح لينا نعمله واحنا بالسعودية لو حطو لينا معوقات في بعض المشاريع لكن كمان عندنا مميزات كثير مو موجودة عند كثير من النساء في العالم
شوفو يا بنات أنا بعرض عليكم عرض كويس
طبعا أنا درست حالتي المادية وهي كويسة بس مو مرة وممكن زوجي يساعدني ، أنا فكرت بأكثر من مشروع وبما إني محتاجة لشريكة مو بس عشان المادة لكن عشان تساعدني بالإدارة والأفكار وأتحمس للعمل أكثر وأحس في وحدة معي مهتمة مشروعي ومشروعها، أنا أريد شريكة تكون من الرياض لازم تكون من الرياض ، لأني لقيت من قبل شريكة من الدمام وتبهدلت وسافرت وبعدين طلعت مو جادة معي ، المهم وكمان أبغاها تكون جادة لازم تكون جادة وغير مترددة وتحب الطموح والعمل وما عندها مشاكل أسرية تمنعها من العمل ولا زوجها متردد وأرجع أنا أتبهدل مرة ثانية
رجاءا ، رجاءا بنات اللي أوله شرط آخره نور ، تبغو تستفيدو معي ، أنا عندي أفكار بزنس حلوة مرة ودارسة تسويق ومشاريع وكمان الحمدلله ما عندي أي مشاكل مع زوجي هو موافق بس أهم شي عنده تكون الشريكة امرأة وفي الرياض وأنا معي حاليا مبلغ عشرين ألف ريال وممكن نبدأ بداية بسيطة بس رائعة يعني أبغى شريكة يكون معها نفس المبلغ عشرين ألف ريال وعلى فكرة زوجي ممكن يساعدنا بحاجات بما إنه يعرف تجار معروفين مع إنه رجل مباديء وما يحب الواسطات حتى لصالح زوجته ،،، ههههههههه مقهورة كان نفسي يشغلني في البنك ،،، المهم هو ممكن يوفرلنا بضاعة عن طريق الشراء بالأجل ،،، وممكن يدلنا على طرق لتطوير مشروعنا
المشاريع اللي ممكن نعملها هي كالتالي :
أولا : أنا أفضل المشاريع الموسمية بمعنى ، زوجي مرة حكالي عن رجل كان تقريبا معدم وعاطل عن العمل تخيلو كيف اغتني ، استنى لما بدأ العام الدراسي واشترى بحوالي ألف ريال مستلزمات مدرسية وبسط عند أحد المدارس وباعها بآلاف الريالات ، حتى تخيلو حكى لزوجي إنهم لما شافوه جاد وعملي وثقو فيه خاصة إنه انسان كويس ويعرفوه قالو له لا تدفع الآن ولا ريال لما تبيع اللي تاخذه من بضاعة من عندنا ادفع بس هو كان كل اللي يملكه ألفين ريال تقريبا ودفع منهم ألف ريال لأنه كان واثق برحمة الله سبحانه وتعالى وكان متحمس ونشيط وعملي
ليش أنا أحكيلكم قصص عشان إنتو تستفيدو منها وتقتنعو أكثر وتتشجعو طبعا
ثانيا : مشاريع مرتبطة بمكان معين بمعنى ، مكان يكثر به الأطفال ممكن نعمل كشك بسيط لبيع لعب الأطفال والحاجات اللي يحبوها ، أو صالون تجميل ممكن نبيع فيه اكسسوارات وحاجات زي كذا ، مع إني تعقدت من الاكسسوارات صار ما عليها اقبال زي اول لازم تجيبو ماركات معروفة كثير من الناس ذوقها تغير وصار أرقى
ثالثا : مشاريع جديدة وأفكار جديدة وهذي خلوني أفكر فيها أكثر
رابعا : مشاريع لخدمات الطلاب والطالبات ، أبغى أستفيد من تخصصي قبل ما أنساه
واللي عندها أفكار وتعليق على كلامي اللي فوق واللي وسط والمشاريع تتفضل مشكورة
شكلي طولت ،،، أعرف نفسي أحيانا أكون ثرثارة وأحب الكتابة والصحافة ونفسي أعمل مجلة وهذا كمان مشروع بس أنا طبعا ما ما أدرجته عشان هو يحتاج ع الأقل نص مليون ريال مش أربعين ألف ريال ،،، لك شو أربعين ألف ريال ، وأنا حابة نبدأ مشروع بسيط ونصعد السلم أو الدرج درجة درجة بدون ما نضغط على أنفسنا وبدون قروض وكل مشروع مع الأيام يكبر وممكن خلال شهور بس لو لقى عناية واهتمام وحملات تسويق ودعاية ممتازة
والله يوفقنا جميعا لما يحب ويرضى
dalia.dream @daliadream
عضوة فعالة
يلزم عليك تسجيل الدخول أولًا لكتابة تعليق.
غلا أبها
•
انا مستعده وعندي فكره تجيب الذهب لاكن مافيه احد يشجعني وين انتي ساكنه لانه مهم في اي حي
صراحة احب اقرالك يا دلولة ولو كنت عندك في الرياض ما اترددت وشاركت اذا عندك مشروع ممكن استفيد منه عندي هنا في المدينة ياريت تفيديني وتراني اعجبك شغيله وزوجي ما عنده ما نع
غلا أبها :
انا مستعده وعندي فكره تجيب الذهب لاكن مافيه احد يشجعني وين انتي ساكنه لانه مهم في اي حيانا مستعده وعندي فكره تجيب الذهب لاكن مافيه احد يشجعني وين انتي ساكنه لانه مهم في اي حي
أهلا أختي ارسلت لك رسالة ع الخاص
صراحة احب اقرالك يا دلولة ولو كنت عندك في الرياض ما اترددت وشاركت اذا عندك مشروع ممكن استفيد منه عندي هنا في المدينة ياريت تفيديني وتراني اعجبك شغيله وزوجي ما عنده ما نعصراحة احب اقرالك يا دلولة ولو كنت عندك في الرياض ما اترددت وشاركت اذا عندك مشروع ممكن استفيد منه...
مشكورة يا غالية بس أنا أتمنى وحدة تكون مستقرة بالرياض عشان تتابع الشغل معي والله أعلم يمكن نتوسع ونفتح فرع في المدينة ، وخليكي متواصلة معي يمكن يكون بينا تعاون بالمستقبل ، أنا أحب البنات النشيطات والمتحمسات اللي زيك والله يوفقك عزيزتي
لا يمكنك مشاهدة هذا التعليق لانتهاكه شروط الاستخدام.
تسلمي حبيبتي ويسعدني والله أحس بحماسكم والله يستجيب منك ... آمين
الصفحة الأخيرة