فضفضة ومعاناة

الحمدالله على كل حال انا مو اللي معترضة على حكمة الله واكيد ربي مايكتب لنا الا اللي يشوفه فيه خير لنا بس والله غصب عني قلبي متحطم خاطري في نونو يقول ماما العمر قاعد يمشي والفرصه قاعده تقل عندي بالموت المميت اقنعت زوجي بعمل الحقن المجهري وكان رافض رفض تاااام ووافق بعد ماترجيته وطحت على رجوله وقعدت شهور اجمع للعمليه واخترت دكتوره مشهود لها بالخبرة والنجاح الله يعلم اش كان وضعي المادي حطيت الريال على الريال وبعت ذهبي وتسلفت يعني والله العظيم عانيت معاناه الله اعلم فيها عشان بس خاطر اكون ام ولو طفل واحد راضيه فيه ربي لك الحمد والشكر وسويت العمليه وفشلت يالله اش قد تحطمت احس خنجر غرس في قلبي وتأملت بعدين في الاجنه الباقيه المجمدة وعدتها عقب ثلاث شهور وامس طلعت النتيجة سلبيه يالله اش قد الموقف صعب مع ان كل شي كان تمام والاجنه ممتازه والحين مافي عندي امل ان اقدر ادفع لعملية من جديد يعني انتظر رحمة ربي ولطفه ادعو لي بنات بالذريه الصالحه ويعطيني ربي القوة للتحمل وينزل عليه غيث من رحمته