السلام عليكم ورحمة الله وبركاته
عزيزاتي عضوات عالم حواء
قعدت معكم فترة بسيطة ، وانبسطت معكم
في عضوات عنجد رائعات وبينحبوا ..
بس لهون انتهت فترة بقائي معكم ..
أنا انسانة بسيطة ، ما بحب المشاكل ، أزعجتني بعض الردود اللي فيها عصبية قبلية أول ما دخلت عالمنتدى بأول موضوع لي ، اللي كان اسمه: تقبر قلبي شو بتنحب يا أغلى رجال بحياتي
تضايقت وقتها من العصبية ، بس تجاهلت ، لكن الموقف تكرر ، وحقيقةً زعلت كتير
لذلك قررت اترك هالمكان .. حسيت أنو مافي عنا أخوة الاسلام ، مافي حب الآخرين ، تعصب وقبلية وعادات جاهلية .. فحسيت حالي بغربة!
أنا انولدت بالسعودية وعشت فيها كل حياتي ، وقابلت بنات رائعات جدا ، وما شعرت بالغربة معهم ..
أنا بالنسبة لي السعودية بلدي التاني ، البلد اللي تربيت فيه وحبيته وحبيت أهله ..
بابا لما تزوج اجا لهون لأنو السعودية بلد إسلامي ، وكانت رغبته أنو بناته ينشأوا بهالبلد ، وما يعيشوا بالمجتمع السوري ..
بسوريا الالتزام هو الصوفية ، فحب بابا أنو ننشأ هون ونكون سلفية .. وفعلا الحمد لله أنا وأخواتي كلنا ملتزمات ..
المشكلة أننا نسينا أنو أصلا هالحدود اللي بين الدول ما كانت موجودة وكانوا المسلمين كلهم أخوة وما كان في سوري ولا سعودي ولا يمني ولا غيره ، الكل عرب ومتل بعض ..
المهم .. كان هدفي من وجودي بالمنتدى هو تغيير بعض الأمور المنتشرة عنا معشر النساء ..
حسن الظن .. كان من أهم المواضيع اللي حاولت احكي عنه
الرضا .. مهما مريتي بظروف بحياتك لازم تتعلمي عالرضا ، كرري رضيت بالله ربا ووعد من الله أن يرضيك ، بفضل الله اني عايشة سعيدة دائما رغم الابتلاءات الكثيرة اللي مريت فيها بحياتي ، والسبب هو الرضا ، السبب اني بكل ابتلاء بكرر هالدعاء وفعلا ربي بيرضيني ، فامتلأ قلبي رضا وبالتالي امتلأ سعادة
السعادة بالرضا ، السعادة مو بالسفر ولا بالمال ولا بالجاه ولا بالرحلات ، السعادة لما يمتلأ قلبك رضا ، ترضي بما كتبه الله عليك
طبعا الموضوع اللي صارت فيه ردود زعلتني كان عم يحكي عن السفر ..
لا تجعلي سعادتك مرتبطة بشيء معين ، مثلا تعتبري انك لو ما سافرتي ما رح تكوني سعيدة ، خطأ التفكير بهالطريقة ،
لما تزوجت أنا ما كان في مجال أسافر شهر عسل ، إلا بالديون ! ، طبعا أنا بكره الدين والقروض ، فما سافرنا .. بس قعدنا أسبوع بالطائف
بعد فترة من زواجي قال لي زوجي : أول ما يصير معي مصاري رح آخدك نسافر شهر عسل ، قلت له: لا تحس حالك متضايق لأني ما سافرت ، السفر مو شي أساسي بحياتي ، إن تيسر فشي حلو وتغيير جو ، وإن ما تيسر فتأكد أنو وجودي معك ونحن مبسوطين هذا بحد ذاته سعادة بالنسبة لي ، والاسبوع اللي قعدناه بالطائف كان كتير حلو ..
أنا ما حبيت يكون شعوره انو هو ما أسعدني .. فرديت عليه هالرد
وفي الحقيقة .. شعوري الداخلي .. أكره كل شيء فيه تكاليف كثيرة ، نحن نستمتع وغيرنا ما بلاقي ياكل !
ما بتخيل اني أدفع 20 ألف على سفرة ، وبفكر منطقيا ، السفر شو فيه؟؟ أشوف طبيعة - ضباب - بحر - ثلج
كل هالشغلات متوفرة عنا ، بالشفا ضباب وأجواء ممتعة وأمطار ، والبحر رحنا على مجيرمة وسبحنا واستمتعنا ، الثلج في موجود بتبوك
مهما رحنا هون ما رح يكون فيها تكاليف متل السفر ..
لذلك استمتعي بحياتك ولا تجعلي سعادتك مرتبطة بشي ، تيسرلك السفر بدون ديون ، معلش سافري وانبسطي ، بس لا تنشري صورك بعد السفر وتتفاخري ، ما يكون همك التفاخر والمباهاة ، هذا ما بجوز ..
العلاقات الزوجية ومعرفة طريقة التعامل مع الزوج ، ومعرفة الحقوق بين الزوجين .. كمان من المواضيع اللي حكيت عنها
التعلق بالله والدعاء ومعرفة أن كل شيء يحصل معك فهو بمشيئة الله ، فالجأي له وحده ..
التفاؤل وحسن الظن بالله أن القادم أجمل .. ((أنا عند ظن عبدي بي فليظن بي ما شاء))
هذا باختصار اللي كان بهمني احكي عنه ، ولهون رح اكتفي ، ورح ودعكم ،
لأني في أرض الواقع ما شعرت بالغربة ،، بس للأسف هون بالمنتدى شعرت !
بتمنى تتغير طريقة تفكيرنا ، ونحب بعض كمسلمين ، ونترك العادات الجاهلية والتعصب القبلي ..
ودمتم بخير ..
.. جميلة ..
جميلة الشام @gmyl_alsham
عضوة فعالة
يلزم عليك تسجيل الدخول أولًا لكتابة تعليق.
و احب اقولك انتي انسانة جداً رائعة
و الله نفسي اصبر مثلك اتعلَّم الرضا و القناعة و الصبر و حتى فيك هدوء ماشاء الله عليك
الله يحفظك و بن ما تروحي
و الله نفسي اصبر مثلك اتعلَّم الرضا و القناعة و الصبر و حتى فيك هدوء ماشاء الله عليك
الله يحفظك و بن ما تروحي
جميلة خليك نحن اخوات بالاسلام
ماشاء الله الوالد ربي يحفظه لكم تفكيره صحيح
في الشام مذهب التصوف منتشر للاسف بشكل كبير وافكار وبدع وخاصة بدع جماعة القبيسيات
ماشاء الله الوالد ربي يحفظه لكم تفكيره صحيح
في الشام مذهب التصوف منتشر للاسف بشكل كبير وافكار وبدع وخاصة بدع جماعة القبيسيات
لا تخرجي كلامك. روووعة كلنا من نحب الغربة والتفرقة بينا اني يمنية والحمدلله ماحسيت اني. غريبة وان شااء الله مااحس خليكي كلنا خوات
الصفحة الأخيرة
فعلا كلامك منطقي جداً
والله تعلمت منك أشياء كثيره
لا تحرمينا وجودك ياجميلة .