فضفضة و طلب دعاء

والله ماعرف اشتكي لمنووو غيركم لأني خلاص وصلت حدي
حتى زوجي احسه طفش مني
صارلي مدة وانا احاول احمل ومافي فايدة
و الأدهى سبع شهور وانا اعاني من هالفطريات ولاراضية تروح
سويت مسحة وعرفوا الفطريات
رحت لاكثر من دكتورة وو دكتورتي الي دايم اراجع عندها احسها طفشت مني
عطتني غسول، عطتني جيل، كريم، تحاميل خاصة بالفطريات كل وحدة اقوى من الثانية ,عطتني وعطت زوجي حبوب و مافي فايدة
اذا بتروح الالتهابات اسبوع بالكثير وترجع وساعات ماتروح حتى لو كملت العلاج
مع العلم اني اتبع كل قواعد النظافة من تعقيم و كي و تعليق بالشمس وصرت ما البس ملابس داخلية الا وقت الدورة وباقي الايام ما البسها علشان تتهوى المنطقة
اكل زبادي و منتجات لبنية و منتجات ترفع المناعة
و ابتعد عن اكل الخمائر و السكاكر
تنقعت ببابونج على ايام متتالية مافاد معاي بالعكس زاد
مع العلم ماقط عانيت من هالمشكلة بس هاي اول مرة اواجهها و موقادرة اتخلص منها
حتى ما اقدر انام بسبب تأثيراتها و ألمها
حتى لقمة الأكل ما اتهنى فيها كل ما اكل شيء الا و أحس بوخزاتها و تنسد نفسي
و لما ارفع ايدي بعد الصلاة و أدعي، سبحان الله على طول أحس بوخزاتها و ألمها وما اقدر اركز بدعائي بسببها استغفر الله
يعني مايصير حمل والله المستعان ولا الفطريات راضية تروح
صرت اكره عيشتي و أكره نفسي
"كنت متفائلة بس بعد هالمعاناة الطويلة خلاص ماعاد في تفاؤل وودي اموت استغفر الله
احس اني راح اعيش طول عمري مع هالالتهابات

خبروني شو اسوي؟؟

اللهم أحيني مادامت الحياة خيرا لي
وتوفني مادامت الوفاة خيرا لي

واجعل الحياة زيادة لي في كل خير
واجعل الوفاة راحة لي من كل شر