فضفضة يا خت زوجي الغاليه طلباتك اوامر ننفذها

[/COLOR وجالسه اخت زوجي الكبيره الي أتكلم عنها تتحكم فينا اذا جو بنات اختي هم صديقات لنا مررره ا وصدية اخت زوجي ا المقربه هي بعد صديقه لنا بس ماادري ليش ماتواطنها او صديقات اخت زوجي وانا اعرفهم كلهم بنات ونعم تقعد تقول ليش ومدري وشو المهم هي سوتلي سالفه طويله وقامت تذب كلام قوي في عيد الضحيه قالتلي اركدي في بيتك رغم اني نادر مااطلع معهم استراحه او اروح معهم مكان بعد زوجي يدري وراضي وغير كذا مانيب بزر يعني انا حرمه ولي تصرفاتي اخت زوجي الثانيه مالها احد غيري ودايم اخليها تروح معي لبيت اهلي وأهلي يحبونها واذا ماراحت معي يسألوني وينها لانه كل بنات أخواتي بعمرها ونستانس معهم والله مسكينه
تجلس بااليومين والثلاثه ماتسال عنهاولاتدري اذا هي بخير طيبه أبدا بس تشوفها اذا جتنا وفي الشر اول الحاضرين ماشاء الله حتى إخوانها كل واحد له حياته وأمها متوفيه واماابوها ماقصر
الله يطول في عمره ويخليه يارب بس تعرفون البنت تبي ينت مثلها تفهمها وتصير قريبه منها جات عليهاايام ماتنوم من مغص الدوره وأيام ماتنام من الكحه وأيام يحيها تسمم ونوديها للمستشفى. ماتقدر تمشي وصار وصار وأختها ماتدري عن هواء دارها من يناظرها من يعالجها ويدهنها. ويسمي عليها ويناظرها والي يفرح لفرحها ويحزن لحزنها منهو الصدر الي ترمي عليها مشاكلها منهو الي يدور وناستها وبسطتها ومع كذا اكرمكم الله خذ بالجزمه على وجهه وبدل ماينقال لها شكرًا وماقصرتي إنقال لها كلام زي السم الي هي انا واعوذبالله من كلمة انا وماابي من كل هاذا الا الأجر وغير الغيره مننا ليش نتبادل الملابس والجزم مع انها اذا جاها مناسبه وبكانت تبي تلبس شي من عندنا مانقصر معها ونعطيها عادي ليش نشتري ماركات وتستقعد لنا انتي لبسك موب حلو ومكياجك موب حلو وشعرك موب حلو وانا مانعرف نلبس مانعرف نتمكيج ولا نعرف نصلح شعورنا بالنسبه لها هي التوب طبعا انا ماتقدر تقولي لاني مااعطيها فرصه لو قالتلي شي ماراح اسكت لها الكلام كله لاختها رغم انه والله أختها كشخه ودايم لبسها حلو ومميز ودايم بس تدور علينا انا وأختها الزله وتذب كلام قوي علينا رغم اني ماسكت لها يوم كلامها لي في العيد وقلت لاخت زوجي الثانيه ماعليك منها هاذا بيتنا ونادي فيه الي نبي وكل الي في البيت عارفين من يجي بيتنا زوجي اذا سافر يقول خلي بنات اختك وصديقة اخت زوجي يجونكم في البيت يونسونكم ويوسعون صدوركم ولاتجلسون لحالكم لانه عارف اننا حريم وماعندنا احد يوينا ويجيبنا والله كل جلستنا قهوه وسواليف اذا طلعنا للاستراحة مع أخواتي وبناتهم وصديقات اختي الكبيره او مع بنات عمي وبنات اختي واكثرنا متزوجات او بنات خالتي يعني أقاربي او رحنا مطعم او سوق ونكون محتاجين للسوق مع بنات اختي هاذي طلعاتنا ماعندنا لف ولا دوران زي ماهيب محسستني يمكن مااقولها تعالي للأسباب الاتيه هي قعدتنامهيب معجبتها وغير انه معها بزران لو في بيتنا وكم مره تجي وهي قالبه وجها لانها اصلا ماتبي احد يجيناالاستراحات صعب افرضها على أقاربي واسحبها هي ومبزرتها مرره صعبه انا ماامون لهدرجه واخت زوجي الثانيه والله هم الي دخلو معها وصادقوها وصارو يسولفون معها والسوق تنشب فينا هاذا غالي ليش تتخذونه غير البزران الييشتتون انتباهنا ومدري هل الي تسويه معي ومع أختها وش يسمونه غيره ولا نجاسه ولا نغاله تعبت من تصرفاتها الى مته بتحمل تصرفاتها وكلامها الجارح تخيلو لو هي سواليف عاديه عن حتى لو بزرانا تقلبها بعدين تريقه قمت شريت راحت بالي وصرت اسوالف اشياء مره مره سطحيه او ماااسولف ابد معها وعجزت افهم شخصيتها المتقلبه والغريبة  مابقى بس اذا جينا نروح تكرمون للحمام نستاذن منها ونقولها طلباتك اوامر وننفذها هههههههه وبس كلهالكلام والبربره للفضفضه وقولولي وش رايكم لوانتي في بيتك واحد جالس يبي يتحكم فيك وش وفي طلعتك ودخلتك وش بتقولين له وهاذي وشلون أتصرف معها انا الحين معطيتها ال ط ن ا ش لاكن لو رجعت وفتحت الموضوع وشلون اقفل فمها