فضفضت له أني محرومة من الحنان ادخلو السالفة داخل

السلام عليكم بنات
شخباركم
انا مابي ادخل في حياتي واكتب لكم لان سالفتي ما تخلص لين 20 سنه قدام
بس يا بنات والله العظيم واللي رفع سبع سماوات من غير عمد انا إنسانه محرووومه من الحنان
زوجي حارمني حتى اسمي اسمي مايدلعه يناديني باسمي كأني وحده غريبه لو كنا ويا بعض
بنكمل 4 سنين قولو عني كذابه اي شي بس والله كلمة حبيبتي ما سمعتها منه في يوم
عايشين مثل الأغراب يعاملني كأني رجل
والله العظيم بنات اتعدل واتكشخ
أروح الصالون أقص شعري وقصتي حتى مايصد صوبي ولا لاحظ أن فيني شي متغير
أتحنى لين كتوفي والبس أحلى ماعندي والله العظيم ما يدري أني حاطه حنا ولا شاف ولا مدح ولا اي شي
مابي أعور قلبي زياده
بس جد محتاجه كلمه حلوووووووه أحيانا يناديني باسمي والله ودي اذبحه يقعد ساعه ينادي من قهري اعتمد مارد
سؤالفنا كلها انتي غبيه انتي ما تعرفين تربين عيال انتي ماتاكلينهم انتي وانتي وانتي
والله انه ظالمني والله لانه أساسا طول وقته. برع وإذا فالبيت نائم
عمري ما حسسني أني أنثى تعبت تعبت من حياتي معاه والله الكل يشوفني يقول استويتي عجوز شو فيج
مايعرفون بالهم والشقى وانا ما تعديت ال25
اليوم ماقدرت أرسلت له مسج أني محرومة وعن حالي وقلته ماقدر أتحمل هالوضع ولا ابي أسير فالحرام واتعرف لأني أخاف من الله
اتخيلو كتبت له كلام طويل عريض
آخر شي ارسل هذا اللي ناقص تتعرفين استحي على ويهج ولو عدتيها انتي مطلقه
بالله عليكم هذا رد
انا لو ابي الحرام كنت من 4 سنين رحت لهالدرب بس انا أخاف وما ابي الحرام
بنات منو نفس حالتي وزوجها قام يدلعها
وربي محرومة محرومة تعبت
للعلم هو راعي بنات وخيانات
الله كريم