صباحكم رضـآء :king:
بداية قبل ابدء بكتابة الموضوع الي متعبني لازم اقول اني والله ماكتبت مشكلتي الا لاني ارتحت لكنن
ولاني بلقى اجابات تريحني با اذن المولى وتساعدني,,,
مشكلتي با اختصار مع امي الله يخليها لنا ويطول بعمرها : (
1 / امي من النوع الي تفرق بين اخواني بشكل ملحوظ وبشكل كل جماعتنا يعرفون مين الي امي تفضلها بيننا او تفضله بين الاولاد بشكل جارح والله ,, السبب با اختصار والقاسم المشترك بين اخواني المفضلين اللسان الطويل !! يعني الشخص الي يصرخ فيهم ويهاوش وليش وليش ياخذ حقه كامل لا وبعد يكون الافضل والشخص الي يقدر ويراعي واذا طلب وشعر ان الطلب بيكون صعب قال خلاص ما ابي وماهو لازم هذا مأكول حقه ولا بعد مايطلعون له بنص عين ويشوفونه ضعيف!!
وانا شخصيا اعاني من هالشعور مع اني كبرت ونضجت وفهمت وشلت نفسي ومايهمني التفرقه الحين الا اني انكسر بكل مره اتذكر بعض التصرفات واحسها تأثر على شخصيتي مهما حاولت اتغلب عليها ,,
موقف ماراح انساه زوجة اخوي مره سألت امي وقالت مين اقرب بناتك لك وافضلهن امي اشرت على اختي الي اصغر مني بسنه وهنا كان جرحي اعمق ليش تقول كذا قدامها ليش توضح هالشي ليش ماقالت بناتي سواسيه عندي ومافرق بينهن مع اني ماقصر معاها بشي والله وبالعكس ما اضغط عليها اذا شفتها ماتقدر على شي واقولها مابي وخلاص وماهي مشكله وعكسي تماما اختي الي تفضلها اقسم بالله تقوم الدنيا وماتقعدها اذا بغت شي تاخذه لو تتسلف لها !!
^ من كلامي هذا اقول لـ كل امم انتبهن تفرقن بين بناتكن والله التأثير بيكون عميق حيل حيل حيل
آحرصن على ان مافيه وحده تحس انها الافضل او تتميز بشي بخاطرك على اختها ترى هالشعور يتعب وربي مهما كبرت وتزوجت البنت بيضل هالشي ببالها وبفكرها وماراح تنساه ..
2 / المشكله الثانيه امي كثير تدعي علينا يعني لو اقولها يمه تبداها بدعوه مثلا الله ياخذك وش تبين !!
عساك للموت ,, سكت قلبك ,, خذاك ربي ،، ياعلك للسرطان ،، ياعلك للمرض الي ماله دوى .... الخ
اقسم بالله ما ابالغ بحرف ان لو اي احد مننا ناداها هذا ردها ولو طلبها شي او قالها شي الدعوه جاهزه وماتضيعها دايم اقولها يمه انتبهي ترى ماراح يفيدك شي لو صار لحد فينا بلا او مات من دعوه عليه بلحظه استجابه واقولها دايم عودي لسانك على قول الله يهديك الله يصلحك عودي لسانك ترى مافيه شي يستاهل وترد علي بدعوة وعقبها تقول اسكتي ولاتتكلمين معاي ,, انا اسكت واخليها ,,
دائِما عدوانيه بردودها ولو اجي اناقشها بموضوع انا او اي وحده من خواتي تعتبر اننا نتهمها واننا ظالمات وتبدى تدعي وتدعي وتعااااير وماتخلي كلمه ماتقولها ,, مع اننا نقول اننا نتناقش ونتكلم عادي بس هي تاخذها بشكل عدواني وكأنها مو امي .. ابغى نصيحتكم الي خلاني اكتب الموضوع اني عجزت انام من التفكير من شوي صار نقاش وانقلبت هواش ودعاوي لدرجة اني اختنقت وعجزت انام ,,
صلفا @slfa
عضوة جديدة
يلزم عليك تسجيل الدخول أولًا لكتابة تعليق.
بريها وعامليها زي ماتحبي اولادك وبناتك يعاملونك ومين تحب ومين لا هذا شي مانقدر نغيره اذا الرسول صلى الله عليه وسلم وهو اعدل البشر وافضلهم صلوات ربي عليه عدل بين زوجاته بكل شي الا حبه عشان كذا ياقلبي لاتاخذي على امك هي معادله بسيطه وسهله لاتناقشيها ولاشي انتي قلتي انتي كبرتي وتقدري تقومي بنفسك خلاص خلي الشي الضروري تطلبينه منها غيره لا ليش تفضل اختك او اخوك هذا شي انتي ماراح تقدري تغيريه ولا تناقشيها فيه ماراح تتقبل زي ماقلتي خلاص
وزي ماقلت هي معادله سهله جداً برو ابائكم تبركم ابنائكم
الله يحنن قلبها عليك ويرزقها برك
وزي ماقلت هي معادله سهله جداً برو ابائكم تبركم ابنائكم
الله يحنن قلبها عليك ويرزقها برك
صلفا
•
مشكلة امي ماتتقبل اي نقاش تعتبرة كأنك تحاسبيها او تتهميها اقولها اني اتناقش معك ووالله ان صوتي مايعلى ولا اغلط عليها هذي اممممممممي بس ردها يجي عدواني بالحيل وصوتها يعلى وتقهرني اذا دعت ليش منجد ليش والله العظيم حرام :(
اكثر شي يقهر اذا مافيه لغه حوار بينك وبين امك تحسين خاطرك تناقشينها تقولين انك متضايقه من كلمه قالتها او تصرف او او بس ماتقدرين لانك عارفة نهاية الوضع بتنقلب مشكلة وكل البيت بيعرف ..
والله اني من كبرت وفهمت الحياة اني اعاملها بشكل مختلف صرت احس ان هذا شي ماهو بيدها وهذا طبعها ف صرت اتجاهل تصرفاتها ما اعطي بعض الامور اهتمام او الكلام لاني قبل كنت انفعل وانقهر وابكي و و و الخ بس خلاص صرت يوميا اشتغل بالبيت انظفه وارتب كل شي بدون احتك فيها كثير ,, بس والله هالشي يتعبني اذا فكرت احس ودي ان امي تكون فاهمتني او فيه بيننا نقاشات كان انحلت مشاكلي كلها ,,, الله يخليها لي ويسخر قلبها لي ولخواتي
اكثر شي يقهر اذا مافيه لغه حوار بينك وبين امك تحسين خاطرك تناقشينها تقولين انك متضايقه من كلمه قالتها او تصرف او او بس ماتقدرين لانك عارفة نهاية الوضع بتنقلب مشكلة وكل البيت بيعرف ..
والله اني من كبرت وفهمت الحياة اني اعاملها بشكل مختلف صرت احس ان هذا شي ماهو بيدها وهذا طبعها ف صرت اتجاهل تصرفاتها ما اعطي بعض الامور اهتمام او الكلام لاني قبل كنت انفعل وانقهر وابكي و و و الخ بس خلاص صرت يوميا اشتغل بالبيت انظفه وارتب كل شي بدون احتك فيها كثير ,, بس والله هالشي يتعبني اذا فكرت احس ودي ان امي تكون فاهمتني او فيه بيننا نقاشات كان انحلت مشاكلي كلها ,,, الله يخليها لي ويسخر قلبها لي ولخواتي
الصفحة الأخيرة
مآقد حآولتي تجرين نقآش مع آمك " حول هالموقف "
يعني آسأليهآ ليش كآن جوآبهآ كذآ وقولي لهآ حآولي قدآم النآس ماتبيين هالتفرقه
وان بنآتك كلهم سوآسيه عندك << جربي وآتخذي الأسلوب الحكيم !!
وآنتي ي قلبي
في صلاة الليل وفي كل صلاه
ادعي الله انه يحنن قلب آمك عليك ويسخرهآ لك وترضى عنك
(آللهم ي مخسر القلوب القآسيه والجبآل الرآسيه سخر لي آمي )
/
اللهم فرج عن أحبتي مالا أعلمه من ضيق يسكن في صدورهم ~