أبا افضفض

عطر يعني بنتك تتكلم كنت احسب الداون مايتكلمون عطيتيني امل في ولدي وبالنسبه للدمج مامنه خير اخوي كان فيه وخلص الابتدائيه والله مايعرف يمسك القلم مع ان عنده تاخر عقلي كان ممكن يتعلم كنا واثقين منهم لكن خساره الحين عمره اربع وعشرين ولافيه امل يتعلم

عطر الزمن ربي يسخرلك الخير وتحصلين مكان مناسب لبنتك صعب على اطفالنا يقعدون في البيت حتى لو حاولنا نعلمهم احسن من مدارسهم لانهم يحبون ركوب الباص والاختلاط مع اطفال مثلهم وغيره اما سالفة الدمج والمناهج اللي تقولون عنها صراحة ظلم كبير

ايش نفضفض وايش نقول والله لو نملى المنتدى كلام مايكفي لاكن مانقول غير الحمدلله على كل حال والله يعوضنا خير
بس سبحان الله لمى تفضفضين لشخص مر بنفس تجربتك وعارف الوضع الي اتي فيه راح يحس بكل كلمه تقولينها
لاكن لو يكون اقرب انسان لك وماجرب وضعك مستحيل يفهمك بالعكس احيانا يقلبون السالفه عليك تلقينك تشكين وهو يقول لك يمكن رحمك فيه شي يمكن ماتتغذين اومستخدمه شي وانتي حامل الا مايحسسونك بالذنب
وليش نروح بعيد احنا قبل نجيب عيالنا اذا شفنا معاق مانحس بصعوبة الوضع يعني صح نرحمه ونتضايق عشانه بس انا ماكنت اتوقع المعاق صعب من جميع النواحي كنت اتوقع انهم ياكلون عادي وينامون عادي ماكنت عارفه حجم المشكله الله يكون بالعون بس ويشفي كل مريض ويفرح قلب كل ام

اختي عطر اختي تدرس في مدارس دمج وصحيح عندهم فصول خاصه لاكن المناهج لوتدرون كيف نفس الدروس بس السنه اللي قبلها يعني لومثلا اختي في الصف الثالث يقومو يعطوها منهج للصف الثاني طبيعي ويكتبو على الغلاف فكري ومختصرين في الدروس ومطيرين بعضها ومقسمين الدرس على بعض الصفحات بحجة التسهيل التسهيل انك تسوي كتاب خاص فيهم من الجلده للجلده ويكون ملائم مع عقولهم بس صراحه مسوين لهم كتاب خاص في المناهج بس احنا نبغى لكل المناهج مو كتاب واحد