فضفضه...اخر الليل..وهواجيسه

بسم الله الرحمن الرحيم
حبيباتي واخواتي
طول الليل اتصفح مواضيعكم..
قلبتو علي المواجع..
ما ادري الموضوع صح والا لا..؟؟!؟!؟
بس هيجتو مشاعري ..
بكيت شوي..وضحكت شوي..ودعيت شوي..وضاقت بي الدنيا..
استغفرت..وقعدت اذكر نفسي بالاخره..والدنيا ما تسوى (هالكلمه دايم اقولها اذا ابي اهون على عمري)
المهم
حبيباتي..
تذكرت نفسي في اخر محاوله..
كانت حقن مجهري..
وكانت في العشر الاواخر
نزلت علي الدوره قبل الموعد مال التحليل بيوم..
يعني يوم واحد وخلاص اعدي مرحله الخطر
عاد انا الله بالخير في كل محاوله تصيبني حاله غريبه عجيبه..اذا رحت السوق مع اختي ما اخلي شي يعجبني الا واشتريه ..حتى بسفراتي..والله عندي شنطه مليانه ثياب بيبيات والعاب ..كل شي حلوو وصغير في الحجم اشيله..((خبللللللله))..
يعني قمه التفاؤل ..
لكن الحمد لله على كل حال...الحمد لله الذي لايحمد على مكروه سواه..
مع اني كنت كل ليله امهد لنفسي واقول هالمره ماراح انهار..
لكن لا حياه لمن تنادي..
اول ماشفت الدم............اسودت الدنيا بعيني..وصيااااااااااااااااااااااح
الحمد لله على كل حال..
ربي لا تذرني فردا وانت خير الوارثين
حتى امي وابوي..زوجي..اخواني وخواتي..
مساكيييييييين...خاطرهم احمل..

ست سنين...ست سنين وانا انطر..يالله..
رحمتك يا ارحم الراحمين
اللهم لك الحمد حتى ترضى ولك الحمد ان رضيت ولك الحمد بعد الرضى





مادري يمكن من النوده قمت اخربط..تخاريف التعب..قبل النووووم
كان في خاطر اتكلم ..فضفضت..بس انتو السبب ومواضيعكم..
عاد انا قلت بنات حوا حبوبين وطيبين وبيستحملون تخاريفي..
احبكم في الله