فضفضه

من امس مانشفت دمعتي من القهر والحظ االي طول عمره ماراح يتعدل :(


من ثلاث شهور وانا اخطط السفر للكويت واعالج في مركز الدكتوره عاليه الفضلي والمفروض اني اسافر بتاريخ 1\8

لان موعد الدوره في تاريخ 4\8 بس زوجي سافر لسوريا بحجة ان الدوره موعدها 4 ويمكن تتاخر 6 او7
ومن زين حظي الدوره سبقت وانزلت علي امس

وزوجي مطنشني انا اكلمه من ضيق وهو بكل برود مو لازم تعالجين احس نفسيتي تعبانه ومالي احد غيركم يابنات حواء اشكي لهم

جمعت فلوس على اساس اسافر واخرتها سحب علي صارت وناسته اهم

قلت له اروح برمضان قالي مايعطوني اجازه

ويقولي كيف تبين الله يرزقك وانتي مو راضيه في قسمتك؟

يعني اذا قلبي محروق على الحمل ونفسيتي متدهوره ومعناته ماني راضيه بقسمتي وحامده ربي


كل وحده منكم يا المتاخرات قلبها مو محروق على الحمل نفسيتكم مو متدهوره ماتبكون بدون سبب >>محد يحس فيني غيركم لاننا نفس المعاناه ونفس الهم

لي سبع سنوات متزوجه ماتهنيت بحياتي كلها علاجات وحساب مواعيد الدوره

واذا صار حمل اجهضه الحمدالله عندي ولد بس ولدي يبي من يونسه في البيت هذا هو مايقعد في البيت ياعند خواله والا عمامه

ام زوجي تقولي لاتجيبونه عندي مجنني

واهلي يحوس بيتنا وماينحمل

لو عنده من يونسه في البيت ماكان طلعته لا لعمامه والا الخواله
غير كذا كل اللي تزوج معاي عنده 3 او 4 اطفال>>>الله يرزقهم بس احس بنقص لما اقابل احد من قرايبنا ويسئلوني عن الحمل وش بلاك ليه ماحملتي فلانه معك وعندها ثلاثه وفلانه حملت من ليلتها ومن هالكلام اللي اكيد مجرباته

صديق زوجي عرض اخته بلاش على زوجي بس انه يحط لها بيت لحاله اومايهمه المهر بحجت انهم يشترون الرجال !

خططو عليه لانهم حسبوها بكرا من يتزوجها تحمل وتجيب ليه عيال وبنات وانا يحترق كرتي :(


تعبت تعبت تعبت اكتب وانا ابكي من القهر

مجبورين نرضى بقدرنا بس مو معناته اننا متقبلين الواقع اللي نعيشه بس مجبورين نتقبله