فضفضه

الله ذكرتينى بحالى قبل سنتين ونص لما قالتى الدكتوره انى فينى بنت وكانت هى الثالثه ضاق صدرى استغفر الله العظيم بس والله من الكلام اللى الواحد يسمعه يضيق صدره وفعلا كنت اسوى روحى انى مو مهتمه بس فى الحقيقه كنت ادارى مشاعرى عن الناس وكنت اسال اختى عن شعورها لما جابت الثالثه قالتلى قعد ابكى ووووو بس الحمد الله انها كامله الخلقه وسليمه وبعد ما جبت بنتى حمدت الله على العطية وهى الحين شمعه البيت من الكلام الحلو واللعب والدلع باختصار مسويه لنا جو ....... الحمد لله عندى ولد واحد بس الكلمه اللى تعور فعلا مو وام البنات لا الكلمه اللى انا اسمعها هى عن ولدى انه رابع خواته ها شوفتى الحين منو الاحسن......


الله يرزقنى ويرزقك الولد الصالح الكامل الخلقه وكل محروم

شوفي يا جوري أحمر أنا الحمد لله جبت أربع بنات الأولى توفت (الله يشفع فيها ) و عندي ثلاث بنات أهم شي يكون زوجك حامد ربه على هذي النعمه و إذا رباهم وأحسن تربيتهم يكون له ستار من النار ............لاأخفي عليج قلبي يتقطع إذا شفت ولد لاكن مالنا إلا الدعاء

السلام عليكم مشكوره ياام بدر وياام منيره والله اسعدتوا قلبي
الله يخليلكم عيالكم ويصلحهم0
ويرزق كل محروم اللهم امين

الله يهديكم بس البنات نعمة من الله وستر من النار احمدوا ربكم في نااااس ماهم لاقينها

بالعكس انبسطوا طالما زوجك راضي ولله الحمد وكلام الناس يدخل ويطلع

شوفي حماتي 8 بنات وحامده ربها وشاكرته اهم شئ انهم بخير وانتي بخير بس والولد لاحقه عليه

السلام عليكم ورحمة الله وبركاته .........والله ياأختي أحمد الله وأشكريه أول على نعمه الأنجاب وثاني على الصحه
والعافية واتذكر قصة وحده مثل حالتك عندها بنتين وحملت وكانت تقول لوجأت بنت اتجنن وفعلاً ربي رحمة لاتتجنن
وأعطاها الولد بس يالطيف من يوم ولدت وهي من مستشفى الى مستشفى وراتبة وراتب الزوج لعلاج ولدهم
والواحد يحمد رب ولد بنت أهم شئ سليم.............وشكراً