بسم الله الرحمن الرحيم
السلااام عليكم ورحمة الله وبركاته
أخباااااااااااااركم ياااحلواااات؟؟ إن شاء الله تماااااام
بناااااااات هذا الموضوع مجرد فضفضه وكلام في خاطري ودي أقوله
اللي فاضيه بالمررررررره بس هي اللي تقرأ أما المستعجله فأتمنى تخليه مره ثانيه
نبدأ في الموضوع بسم الله وع بركة الله ..
كان يا ماكان في قديم الزمان وفي سالف العهد والأوان >>أخلصي
طيب بقولكم سالفتي مع الحب >> فاضيه وربي
المهم أنا كنت أحب واحد حباً شديداً وربي يابنات إني أمووووووووووت في التراب اللي يمشي عليه
أموووووووووت في هالإنسان وربي إني أحبه أكثر من أي شيء في هالدنيا والله والله والله حتى نسمة الهواء
ماأبيها تضره عشت على هالحب الرائع (( ع فكره الحب كان من طرفين )) عشت سنيييييييييين لا لا الصدق تقريبا
6 سنين من بدأ هالحب يتغلغل في داخلي أقولكم شيء وربي من لما كنت في أول متوسط وأنا أحب هالإنسان وهو يحبني
لا تقولون حب مراهقه لا هالحب غييييييييييييييييير الحب هذا إلى الآن وهو بقلبي إلى الآن أعيشه وإلى الآن أعيش أحداثه
طبعا كل هالوقت وهو ماشافني أبداً بس يتذكرني لما كنت صغيره طبعا هو ولد عمي وكنت محجوزه له ويمكن هالشيء
اللي قوى الحب بيننا وخلاه يكبر بقلبي وبقلبه
مررررت السنييين واحنا ننتظر اليوم اللي نتزوج فيه وكان من المقرر إنو الزواج هذا يكون بعد ماأخلص ثالث ثانوي
و مرررت الأيام بطيئه علينا و وصلت لثالث ثانوي الترم الثاني وكان باقي ع الإختبارات النهائيه اسبوع بس
تخيلوا اسبوع وبعدها الإختبارات وبعدها نتزوج ونكون أحلى زوجيييييين ونضرب مثل في أحلى قصة حب عاشت وتوجت بالزواج
المهم في الأسبوع هذا حدث مالم يكن في الحسبان صاااااارت ظرووووووووف ومشاكل وأشياء صعبه بالمره
انتهت بخطوبة ولد عمي من بنت ثااانيه ((طبعا ماكان موافق ع الزواج نهائيا بس ابوه حلف يتبرى منه ليوم القيامه لو ماتزوج هالبنت والسالفه كلها عناد وخرابيط فاضيه))
حسبي الله ونعم الوكيل تخيلوا كيف بيكون وقع الخبر علي وربي إني لما قالوا لي جلست أضحك من قلبي
وأقولهم ايه ايه عادي خلوه يتزوج >>ترى وقسم ماكنت مستوعبه السالفه ولا اللي يصير من حولي
طبعا زي ماقلت لكم كانت هالسالفه قبل الإمتحانات بأسبوع يعني من الطبيعي إني أجيييييييييب نسسسبه زفففففت
آآآآآآآآآآآآآآآآه بس
وجات الإجازه وانا اللي كانت فرحتي بتكون فرحتين فرحة تخرجي وفرحة زواجي من حبيبي
بس الحمدلله ع كل حال
جات الإجازه وأنا مافرحت لا بالتخرج من النسبه الزفت اللي جبتها ولا بالزواج اللي كانت العروس فيه وحده غيري
طبعا الولد جاته حاله نفسيه وتعب بالمررررررررررره وتنوم بالمستشفى و أنا صرت زي المجنونه ماأعي باللي حولي
وربي ماأحد أهتم بحالنا
وتزوج وراح مع شريكة حياته وأنا اللي كنت أظنه راح ينساني بس تخيلوا يقول لخواته قولوا لها وربي مانسيتها
وكل ماأشوف زوجتي كأني أشوفها هي قدامي >>مع إنه وربي ماقد شافني بس يقول راسم لها صوره ببالي من شكلها لما كانت صغيره
تخيلوا لما جابت زوجته أول مولود تدرون ايش سماه سماه أسم قريب من اسمي بالمرررررررررررررره
بس لأنه ولد وإلا يقول لو كانت بنت لأسميها على حبيبتي
طبعا زوجته الله يسامحها تدري بحبنا لبعض من قبل مايخطبها بس هي السبب بكل اللي صار هي السبب بكل المشاكل اللي حصلت حسبنا الله ونعم الوكيل
وربي يابنات من بعد زواجه حالتي النفسيه صااااااااااااااارت زففففففففت والأخلااااااااااق معدومه
والمستوى الدراسي نزل لدرجة إني رسبت في الجامعه بسبب إهمالي للمحاضرات والإختبارات وأنا اللي والله كنت من المتفوقين وكنت من الأوائل دائما
الحمدلله ع كل حال ..
بس الحمدلله بعد كم سنه من زواجه خطبني واحد ووافقت عليه وتزوجت والحين عااااااااااااايشه بسعاااااااااده وربي يااااارب لك الحمد والشكر كله
وربي يابنات إني حبيت زوجي وحسيت بالفرق لما يكون الحب قبل الزواج ولما يكون الحب بعد الزواج
الحمدلله ربي عوض صبري خيييييييييير
والله والله والله إني الحين ماأشوف غير زوجي حبيبي بس من جد هو اللي خلاني أحبه من معاملته لي ومن أخلاقه وطيبته وحنانه علي ماشاء الله تبارك الله
الله لايحرمني منه يااااااااااااارب
ادعولي يابنات بالذريه الصالحه عاجلا غير آجل
ملاحظه .. وربي إني صادقه بكل كلمه قلتها لا تجي وحده وتقول كلام روايات وخرابيط وربي إن كل هالأشياء صااارت معي ..
ملاحظه ثانيه..أنا إلى الآن مانسيت حبيبي الأول بس أحاول أتناسى وأحيانا تمر علي ذكرياتنا الحلوه اللي كانت تجمعنا وابتسم لحبنا البريء اللي كانت نهايته فاشله..
وشكرا لكم على تحملكم هذرتي الواجده خخخخخخخخخ
وإلى فضفضة أخرى إن شاء الله ..
يلزم عليك تسجيل الدخول أولًا لكتابة تعليق.
الصفحة الأخيرة
تصير هالاشياء والقصص وعندنا مرو بنفس تجربتك وبااخس منها
بس الحمدلله على كل حال وربي عوضك
وان شاء الله تفرحي بالذريه الصالحه