فضفضه

ماادري وش اقول ماادري اذا عندي مشكله والا شي طبيعي اللي انا فيه بس حابه افضفض واحكي لان ماعندي اي احد احكيله
بنات انا متزوجه وعندي بنت وولد الله يحفظهم وعمري 23 واحب الشياكه والاناقه وتعودت في بيت اهلي على الكرم مع ان حالتهم عاديه واقل من عاديه ومع ذلك ابوي الله يحفظه لنا كان يحاول يعيشنا مثل الناس ويضغط على روحه عشاننا ورزقني الله وتزوجت موظف وراتبه زين ومن عائله غنيه وكنت انتظر متى بيقول عطيني صوره عشان الجواز عشان يسفرني برا شهر العسل مثل كا العرسان عندنا بس للاسف انكسر خاطري ولا سفرني ولا شي واستحيت اطلبه طبعا
وغيرها كثير وكثير مواااااقف تدل على بخله بس اقول يابنت هالامور مو اهم شي بالحياه طنشي وعيشي حياتك بدون مشاكل وصرت اتنازل عن اشياء كثيره اتجنب المشاكل
تصدقون نسيت متى اخر مره تهاوشنا مو لان حياتنا مثاليه لا لاني ماصرت اهتم ولا احس اي شي يصير اسوي نفسي انه ماصار مدري وس فيني عايشه ومو عايشه حتى حمواتي وسلفاتي رمموا بيوتهم وغيروا وانا طلبته مره وصرف الموضوع تحسبون بينت اني زعلانه لا سكت وكملت حياتي واذا صرت بروحي اقطع في نفسي واقعد ابكي وابكي وابكي وبحياتي ماشكيت لاحد حتى لامي وبحياتي مابينت اني مو مبسوطه بحياتي انا فعلا مو مبسوطه يابنات وقاعده امثل على نفسي وزوجي والناس اني سعيده موعارفه وش اسوي ولا كيف اغير حياتي ...
ساعدوني بنصائحكم المفيده ،،،