فضفضه

السلام عليكم ورحمة الله وبركاته
بكمل 4 شهور متزوجه ولله الحمد
علاقتي مع ام زوجي كويسه حمدلله ودايم ماحب ازور اهل زوجي الا وفي يدي شي طبع فيني حتى اذا رحت لاهلي لازم اشتري حلى ولا اسوي ماحب اجي ضيفة شرف
حمدلله اهل زوجي ازورهم يمكن مرتين بالاسبوع لانو اهلي مو في الرياض وبيتي قريب من بيت اهل زوجي حتى اذا طلع زوجي مايبيني اجلس لحالي بالبيت فيحطني عند اهله..
عندنا طبع بقبيلتنا العروس يعزمونها اهل الزوج دوريه واهل زوجي طبعنا وطبعهم واحد المهم كلمت 4 ولا وحده رفعت التلفون علي تعزم الا مره اخو زوجي دق على زوجي وقال تعال انت واهلك تقهوو عندنا سكت وقلت لزوجي اذا دقت زوجته بروح مع انها فضيحه عندنا اذا بروح عشان قهوه وانا عروس ولا دقت قلت لزوجي روح لاخوك وانبسط عنده وانا بجلس وهو راح ..
هذا موقف ..وكل سلفاتي ولا وحده فكرت تعزم عادي خلاص عزيمه وبلاش منها طيب اقلها يكفون شرهم عني ..
ثاني مره ازور فيها اهل زوجي لقيت عيال اخو زوجي الصغار واحد منهم رايح لسادس ابتدائي وقليل ادب مره يحشر نفسه عندنا امه موصيته يتجسس لانه يقول كلام اكبر منه ..بليلة زواجي طلعت من قاعة الزواج بمرسيدس حقة اخو زوجي واصلا ماحتى قلت للناس ولا اتفخشر عند احد ابد تخيلو وانا جالسه مع خوات زوجي جا ذا البزر وقال اذا انتي طلعتي من قاعة زواجك بسيارة عمي ترا امي طلعت من قاعة الزواج بالسياره الطويله حمدلله والشكر طيب وش جاب طاري امك هذا واحد من المواقف طبعا بزارين اخوان زوجي كلما ازور اهل زوجي يجلسون بنفس الغرفه اللي انا فيها ويناظرون اكثر من 8 وكلهم اذاني صاغيه طبعا وحده من بنات اخوان زوجي عمرها 11 سنه اخذت شنطتي تفتشها وجاتني وزوجي جالس معي تقول انتي مبسوطه مع عمي ؟ ولا لا
وبعدها راحت لزوجي تقول ترا مرتك عمرها 35 هههههههههههههههههه امها المريضه اللي دازتها قلتلها لا حبيبتي عمري 45
حمدلله ماتوقعت ان فيه ناس عقولهم صغيره لان زوجها قد اخذ بطاقة العايله حقة ابوي ايام الملكه عشان يعطيها زوجي عشان يطلع كرت عايله جديد وهي شكلها عرفت ان عمر 24
مره ام زوجي سوت لي عزيمه كبيره بعد شهر العسل وسلفاتي عددهم 9 وماجا منهم الا وحده يوم عرفوها علي وعرفت اني العروس طول العزيمه وتناظرني من فوق لتحت ههههههه حتى بالعشا بغيت اقولها حبيبتي لا ترا مااخذت زوجك عشان تخزين ذا الخز
ومن هالمواقف قررت اني ماأبني علاقة معهم ابدا حتى اذا صار عندهم مناسبه مااجيهم ولا أوجبهم لأنهم اصلا ماوجبوني وانا عروس حتى قلت لزوجي امك وابوك وخواتك على عيني وراسي اما حريم اخوان مالي فيهم حاجه