فضفضه..

السلام عليكم ورحمة الله وبركاته / بفضفض لكم بحزن وقهر بقلبي يابنات انا احس بوحدة وفراغ وضيقة بهالدنيا اهلي من وانا صغيرة قاسين علي بضرب وعنف وانا حساسة مره كل ماتذكر ايام الطفولة أبكي حسيت اني مهمله انا الكبيرة واهتمام ابوي وامي لأخواني اللي اصغر مني حتى يوم كبرت وبسن المراهقة محد كان يهتم لي امرض واقوم ولا احس اني مهمة وامي تكرهني تحرش ابوي علي بنتك وبنتك كأنها زوجة اب مو امي كانت تكويني وتضربني ضرب عنف واي شيء يخربونه اخواني انا اللي اتعاقب  خلت ابوي يكرهني من كثر ماتتكلم عني عنده اذكر المعلمات بالمدرسة يسألوني ليش حزينة واقولهم لا ماني حزينة مبين علي 😔 ويسولف مع اخواني ويهتم لدراستهم بس انا لا يقول بنت مالك مستقبل الا ببيت زوجك الله يسامحهم بس😥😥ويجيب طلبات اخواني وانا مايعطيني وجه ماكنت اسولف وافضفض الا مع الشغالة الشغالة رحمتني وحست فيني احسن منهم يوم اشتكي لها تبكي معي اهلي عندهم يعني مهمشيني وكبرت وتزوجت وانا بالثانوي كنت ابي احس فيه شخص يهتم لي وينسيني الايام اللي عشتها عند اهلي بوحدة بس للاسف زوجي اناني مايدري عني كل مايبيه طلباته بالبيت مايسولف معي واكثر وقته برا البيت بعالم ثاني تعبت من هالعيشة تزوجت وانا اجهل امور كثيرة بالحياة من مسؤوليات ولا كأن لي ام تعلمني وتنصحني وعلمتني الدنيا  تدرون اغار من كل بنت متزوجة تروح لاهلها دائما وانا مالي اهل مثل الناس لو اموت مادروا عني  صرت منعزلة عن الناس احس بالنقص من داخلي ولاعندي صديقات ولابغيت اطلع مكان اشيل هم احس بقلق وتوتر وخوف احس ماني طبيعية وماعرف اسولف مثل الناس واذا احد تكلم علي ماعرف ارد احيانا اتمنى اموت وافتك من هالدنيا كلها ضدي من صغري الله يصبرني بس عندي الحين بناتي اوقات اعصب عليهم واضربهم واندم مابيهم يصيرون مثلي اعذروني كلامي مخربط الله يكون بالعون 😔