فضفضه💔💔💔

مرحبا بنات اخباركم بقولكم قصتي انا اصغر وحده من خواتي وحنا خمس بنات وما عندي اخوان وكل خواتي متزوجات وببيوتهن الله يهنيهن يا رب خطبني ولد خالتي وطااارت امي من الوناسه ووافقت على طول لان امي من النوع الي تحب وتأيد زواج الاقارب ولاني بالبيت لحالي مع امي وابوي اقترحت امي على خالتي اني أبقى عايشه مع امي وأبوي ونسكن عندهم بعد الزواج لان راتب زوجي ضعيف وما يساعده يفتح بيت وخالتي ما صدقت خبر ووافقت على طول وزوجي بعد وافق مدري وش كنت احس فيه لما وافقت على اقتراحهم الحين يا بنات انا متضاااااايقه من الوضع لما اجتمع مع خواتي كل وحده تتكلم عن بيتها وعن مملكتها الي توها فارشه بيتها والي قاعده تجدد فيه وانا اسمع واتحسر على وضعي حياتي مع زوجي حلوه وعندي ولد الحمدالله عمره سنه بس هالشي مضايقاني مضايقني اني ما عندي بيت نفس الحريم وما عندي مملكه خاصه فيني كل يوم انام وانا قلبي يوجعني ودمعتي على خدي وزوجي عاجبه الوضع لا مقاضي ولا فواتير ولا يدفع شي بالبيت وأبوي الحمدالله مو مقصر بس انا متضاااااااايقه متضااايقه يا بنات احيانا أقول امي سبب الي انا فيه هي الي اقترحت نسكن معاهم ادري كلامي مخربط بس والله متضايقه احس اني غير باقي الحريم صح في حريم عايشين مع اهل أزواجهم وما عندهم بيوت بس انا عايشه مع اهلي احس اني ما تزوجت ما تغير بحياتي شي الا هما رجل صار يقاسمني غرفتي تعبانه نفسيا يا بنات والله 💔💔