فضفضه.

مساء الخير اخواتي العزيزات

مدري كيف أبدأ حكايتي بس قلت خليني اشاركم قصتي حتى أستفيد وأفيد
انا أمس كنت بظروف لا يعلم بها إلاالله وحده وكنت بحاله صعبه زوجي رمى على يمين الطلاق بس طلقه وحدة
طبعا اكيد شعور لا يوصف عسى ما وحدة تذوقه لا وام اطفال كمان وطردني بيت أهلي وكنت بحاله يرثى لها غير ظروف خاصه كثيرررر
بس تدرون انا استاهل تعرفوا ليش لأني غبيه وعلى نياتي قلبي ابيض وانسى بسرعه
والله بلاني بعمه والذي نفسي بيده ما شفت مثلها عليها أسلوب ماكر ومخادع فتحت لها قلبي وعلمتها بأدق أسراري بحكم مابغى اكدر على امي
نسيت انها مجرد ام زوج وبعمرها ماتكون مثل الأم
صراحة من بداية زواجنا بينت لي نابها الازرق وياما حصل لي مواقف كثير منها تخليني اعرفها على حقيقتها هي وبناتها بس انا ورب المصحف طيبه ولا اشيل وأقول دنيا ماتسوى
لغاية مابديت انفر منها ومن حقدها علي وللاسف كنت غبيه لما كنت اشكي لولدها
شوفوا لمين اشكي
بس وش اسوي دائما أفكر في اهلي مابغى زعلهم
لكن للأسف هو عشان أمه وخواته تجرأ ونطق اليمين انا اعترف اني مغفله لأن ناس مثل كذا كان من البدايه احذرهم وخلاص مو أروح واعتب عليهم
انا اسفه طولت عليكم بس قلت افضفض شوي
تحياتي حبايبي ♡♡♡