فضفضه 💔

السلام عليكم
والله اكتب لكم والغصه بقلبي 😭💔بحاول اختصر قد مااقدر
انا نفاس ولي خمس ايام ولدت يوم الجمعه اللهم لك الحمد من اول ماحملت وانا كنت مخططه اولد ببيتي وكنت باخذ شغاله
وامي وخواتي كانو رافضين ويبوني اسافر اولد عندهم وانا كنت اسايرهم
وباخر شهور الحمل امي كل يوم تتصل وتقولي تعالي عندي مابرتاح الا وانتي عندي ومن هذا الكلام
وقلت لها بجلس ببيتي دام سكنت بيتي وطلعت من عند اهل زوجي وارتحت وعشان مدرسة ولدي
ورفضت وزعلت مني وكلمت اختي تكلمني اجي وخواتي نفس الشي مكلميني ومتحمسين وتعالي وبنسوي ونسوي المهم وسافرت لهم وولدت الحمدلله
وطلعنا من المستشفى امي كانت معاي وربي طلعنا والبيت مقلوب فوق تحت خواتي مانظفو شي ولارتبو والله والله طلعت واول ماوصلت حطيت لولدي اكل ورحت تسلحت وحطيت ملابسي بالغساله ورحت المطبخ اسوي لي ترمس قشر وقرفه 😭😭
وعدت اول يومين وانا والله اقوم بنفسي وبولدي وبالبيبي اقوم والدموع بعيوني واسحب نفسي جسمي وعظامي مكسره نفاس ومارتحت 😭
خواتي مايسسون شي وربي نوم واكل بس غرفتهم حوسه امي ترتبها ملابسهم مكومه بالسله امي تغسلها وتطبقها لهم وهم ناااايمين
انا لما شفت امي تشتغل الليل والنهار صرت اقوم بنفسي وبعيالي ومااخليها تغسل ملابسنا ولا اطلب منها شي وربي اتسبح واحط الغسيل بالغساله واروح ع المطبخ اسوي لي يانسون وشمر وكذا 😭
وهي تشوفني وتجي تكمل والله انها ماتقصر تسالني وش تبغين ووش اسويلك وانا اقولها مابي شي
مااقدر اطلبها ممققدر لدرجة تققولي ودي تطلبين مني شي واسويلك
جو عندنا ظيوف يوم الاثنين ورحت تسبحت وجهزت نفسي وعيالي واخلص الا وغرفة الضيوف مو مرتبه وامي مو ملحقه تخلص واقولها تكلم خواتي ينظفون وتقولي مايسمعون لي ومابينظفون من متى وهم يشتغلون هم ماينظفون
واروح وانا ابكي ارتبها واغسل مغسلة حمام الضيوف 😭 متخلين كيف ماكملت اسبوع وجالسه اتحرك مو مكفيني الطلق والولاده فككت عظطامي
اجلس اقولها ليش ماتقومينهم ليش ماتقولين لهم يشتغلون تقول مايسمعون لي ولاعمرهم يشتغلون دايم انا انظف لحالي وماني بحاجتهم ولا ابغى احد يساعدني
يابنات احزن لها والله الليل والنهار تشتغل والبيت حوسه والمطبخ معفوس مايبان شي ابداً ف شغلها
ورحت باخذ شغاله ورفضت مممره وقلت لها ع الاقل شغاله بالساعه تنظف وتروح تقول لا مايحتاج مافي شغل تجي وش تسوي انا بنظف

انهد حيلي ماانام الا عشر دقايق بس قاعده مع البيبي ومع ولدي واجلس اشتغل 😭
والله مااكذب اني قاعده اغسل مع امي المواعين وامسح المغاسل اشتغل شغل عالخفيف واحاول اخفف عن امي شي
مرات احزن لها ومرات اجلس اقول والله مااسوي شي خليها مو هي اصرت علي اجي ورافضه الشغاله
ورافضه تقوم خواتي يشتغلون
وحده مخلصه جامعه وقاعده بالبيت لاشغل ولا مشغله والثانيه باخر سنه بالثانوي
امس انهد حيلي وجلست اقولها ليتني ماجيت والله متندمه اني جيت
امس طحت خلاص طول يومي بالطواري حراره وزكام ونزله معويه استفراغ ومغص الله يكرمكم والله تعبت ارجف رجف من الحراره
تعبت مانام وماتغذى زين 😭 شكلي ينرحم مممره 😭
ذبحني الجوع والبرد والله اليوم كله مماكلت الا خبز بر وكوب حليب 😭