قريبه لي استأصلت بس تاخذ ابر لنفس الهرمونات الي كانت تفرزها المبايض وتقول انها ضروريه


مدري انا م عندي خلفيه بس هذا كلامها لي
وتجيهاالممرضه بالبيت تعطيها اياه

اتحصني أختي واجعلي لك ورد يومي من القرآن يهدي النفس سبحان الله، وأكثري من الإستغفار
والعصبية ترى كلنا نعصب من تصرفات اولادنا الله يصلحهم

روحي لاستشاري يعطيك هرمونات ومكملات غذائيه ضروري عشان تعوض الهرمونات اللي كان يفرزها الرحم حتى اللي دخلو سن اليأس وانقطعت عنهم الدوره يصرفوها لهم

اتقبلي الموضوع وانه شيء عادي
حصل خير واحتوي عيالك
وزوجك برضوا احتويه واعتذري له وخليه يطبطب عليك
وان نفسيتك سيئة بسبب ذا الموضوع
انتبهي لجسمك وبشرتك وشعرك وروحي صالون و و
سوي تجديد لحياتك وتوظفي لو بمول عشان تغيري بس المود وتشوفي الناس و و و

ترا وضعك طبيعي بعد اللي صار معك تعب حمل وتعب ولاده وضغط نفسي ماله علاقة بالهرمونات
واللي تقول تعوض هرموناتها بأدوية هي ماتحتاجها الا اذا شالوا المبايض
تذكري نعم الله عليك انتي بخير وعافيه وعيالك حولك متعافين وزوج وبيت واستقرار مافي وحده منا حياتها كامله
وهذا حال الدنيا ولا احنا مخلدين فيها عشان نزعل على اي شي يروح منا لانه الدنيا بكبرها مؤقته
استمتعي بحياتك مع عيالك وزوجك ولاتضيعين اجمل ايام عمرك بالزعل والنكد لان الدقايق اللي تروح ماترجع
والحمدلله عندك عيال
والله اني حضرت حاله لبنت عمرها ١٨ سنه اول طفل لها واستأصلوا لها الرحم مع الولاده توها تكمل سنة زواج ماشافت شي من الدنيا وكانت راضيه ومبسوطه تقول الحمدلله ربي رزقني بولد اعيش عشانه واربيه واشوف عياله


انتي بنعمه كبيره لاتتركين مجال للشيطان انه يحزنك
الله يشرح صدرك ويكتب لك الرضا والسعاده🌹