#فضفضه

انا كنت من ام واب منفصلين من لما كنت ببطن امي
وانولدت وبعدها بسنه اتزوجت والدتي لأن ذاك الوقت كانت عيب المطلقه وكانت تعاني ببيت جدتي وجدتي تكره ابوي كره العمى بدون سبب من قبل مايتزوج والدتي ولما انفصل مع والدتي بتفاهم وعادي الامور ولكن العجوز راحت تشوه سمعة والدي مع ان امي بنفسها مافتحت فمها بكلمه على ابوي وما شافت منه شيء ولما امي اتزوجت عمري سنه حلفت على امي تاخذني تربيني
ولا امي كانت راح تاخذني اعيش معاها وزوجها ماكان عنده مانع
ورفضت قالت لا انا بربيها وبهتم فيها
وياناس قسم بالله انواع التعذيب وعمري بالسنوات كانت تضرب بالعصا وتشوه شكلي علشان البنات الي واحنا صغار يضحكون عليا تبغاني اتفشل
واتحطم واكون مهزوزة وكانت تجي المدرسه وانا بالابتدائي بالطوابير تحط جبنه على عبايتها ولثمتها علشان تفشلني وبالطوابير تجي تطلعني وتدف وحده من البنات وتحطني مكانها وصارت مضاربه اذكر والبنت كرهتني ودايماً تعايرني وتسلم على المدرسات وخدك وحده بطريقة تفشل وتقول ترا ذي لقيطه وكانت تبيني اسمع
والصبح مره وانا طالعه للمدرسه وانا صغيره اذكر قالت الله ييتمهم ويتركهم تخيلوا والله قالت هذي الكلمه كيف الله خلاني يتيمه البه اعطاني اب وام وانتي يالعجوز حرمتيني منهم والله اني انجرحت وكانت فيني غصه كبيره وصيحه
ودموعي دايماً على خدي وتقولي ياللقيطه وقدام بنات خالاتي سمعتها تقول لوحده مدلعه تقولها لا تمشين معها ذي بنت ال** وكبرت راسهم علي
ودايماً يعايروني واصيح
وكبرت الحين انا عمري بالعشرين والعجوزه حسبي الله عليها صارت كبيره بس ماني مسامحتها
ومن غير انها تكذب عند الناس وتبكبك تقول انها ربتني وتعبت علي وانها تجيب لي احسن الملابس والاكل وانها تحرم نفسها ووتجيب لي وهي كذابه حارمتني كانت كل شيء وبس تسب ولها هدف
لما كبرت وصرت ضعيفه ومكبوته وتعبت نفسياً رمتني على ابوي علشان يبتلش فيني
ودايماً تدعي عليه وكذبت عليه انه يسبها ويقذفها
ووصلت تطعنه بشرفه وكان راح يشتكيها وهو من دولة خليجيه بعيده عننا
والحمد لله انا اتزوجت
وربي اكرمني بس تركت فيني اثر وما اقدر اسامحها تشوفونه صح ولا لازم اسامحها امي تقول سامحيها لأنها كبيره
والقهر وتحطيم نفسيتي والاشياء الكبيره الي سوتها واتهامها لي
ولأبوي
والي بتكذبني لأني جديده الله يتولى امرها
والله اني صادقه بكل كلمه