فضفضه

يسعد مساكم
بعد المرض ظهرت حقيقة بعض البشر اللي يحبك واللي يكرهك
الشي اللي توقعته وكنت حاسه به صار
أقرب قريب لي زوجي كل هالسنين ظهر كرهه لي مع انه يحاول يخفي هالشي قدام الناس الا انه واضح وضوح الشمس
طبعا صابر علشان الاولاد كنت احس بالشي وكنت صابره علشان الاولاد وكنت اوهم نفسي انه يحبني وانه اجبر نفسي على حبه اذكر اشياء جميله له
طبعا في السنوات الاخيره ابتعد تماما عني ترك غرفة النوم ماعاد ينام معاي
وملابسه يغسلها بنفسه
والاكل ياكل لكن مايجبرني اطبخ له
فصرت احس نفسي مقصره ناحيته واروح له مكان نوم علشان اعطيه حقوقه وتعود على هذا الشي
والتواصل والجلسات والكلام قليل بينا
اليوم أظهر لي كرهه لي وكنت حاسه به لكن مابيدي شي اقدر اسويه وهوه ينتظر اني ابادر بخطوه يعني اقول إلى اهلي ابغا الطلاق بس مااقدر ماعندي مكان ولا عندي ماده واطفالي صغار ولا يرتاحوا الا في مكانهم
احس روحي ذبلت من المرض اللي مالقيت مسانده منه غير مشاوير المستشفى يوصلني
حتى مره من المرات طلبت منه حضن وهو واقف جنبي مارضى ابغا يطبطب عليا حضنته ولا حتى حرك يدينه وطبطب عليا
صعب هالشعور احس نفسي مشتته بين المرض والزوج والأطفال ولا اقدر اقول إلى أحد من اهلي غير ربي سبحانه