فضفضه

تخيلوا انه يوم توظفت هذا لسه راتبي الثالث مانزل لسه بينزل متخيلين وش سوو فيني؟ اول راتب من قبل ينزل وهو يحقق وش بتسويين بالفلوس وعادي يعني اب ويهتم اوكي واساسا انا من نفسي اعرف الانظمه و العادات من نفسي اكيد بعطي اهلي من اول راتب ف عطيت امي و ابوي و اخواتي واخوي وطلبت لامي طلبيه و طلبت لي سكن كير واشياء عنايه لني احتاج صراحه صارلي دهر عايشه بقحط الراتب الثاني مفروض ابدا ادلع نفسي واشوف الي ابغاه بسس ابوي منعني اطلب طلبيه ملابس وممنوع ميكب وماينزلني السوق حتى لو طلبت اصلا وقتها اقوله ودني المستشفى ما اتنفس بموت ودني افصل نظاره ما اشوف و ماوداني دايم مو فاضيلي طبعا يعني اخر اهتماماته المهم طبعا كل شي نطلبه مثلا حلا عشاء غدا اي فرصصههه يقول يلا ادفعي يلا ادفعي ها شرايك تدفعين واذا اخواتي طلبوه شي يقول اختكم عندها فلوس خلوها تدفع لكم او يخلي اخوي يجي يقول لي احول فلوس الغدا يعني يا انه يتكلم بصريح او يرسل اخواني اي شي المهم انه ياكل فلوسي اكل وانا ماعندي مشكله اساسا لما نروح نزور امي بدون ما احد يقول لي انا بنفسي ادقع محد يقول ولا شي انا ادفع من خاطري عادي عندي فلوس ليه البخل ؟ بس للي يغث انه كل شوي يتكلم ودايم يقول اني انانيه وما اشارك فلوسي مع احد وانا دايم كذا هو ماخذ عني فكره وغصب يلصقها فيني مع اني ابدا مب كذا ! والحين بتقول مسكين يمكن ابوي ماعنده ومحتاج اساعده لا ! ابوي راتبه 20 الف يا روبوت مب محتاج وفوق ذا عنده عماره فالسنه تدخل عليه 70 الف ابدا مب محتاج بس خلاص يقول انتوا كبرتوا يلا دوركم تصرفون ع البيت من متى البنت تصرف ؟؟؟؟ بعدين ماشاء الله كانه كان يغرقنا اشياء كل الي نشتريه من طلعه الروح وكلها رخيصه ماركات مانطبها ! لو اشتري بلوزه ب 40 يقول غاالللييييي وينهار ! يعني مدري من البخيل لا والمشكله انه مقتنع يقول يضحكون علينا فيه اماكن ارخص طيب المكان الرخيص ملابسه خايسه يمكن ! اساسا انت مرح تودينا منت فاضي لنا على قولتك !! المهم على نص الشهر الثاني انا باقي عندي فلوس 5000 ريال لنه اصلا مانعني اشتري شي ومايوديني ف وين اصرفها وين ؟؟؟ كيف اصلا ف هو سال كم معك قلت له خمس الف انجلط قال لا مشكله انتي انانيه ماتصرفين قلت له ترا لما نروح لامي انا ادفع العشا و اذا طلبنا فالبيت عادي ندفع ماعندنا مشكله بس احنا مانطلب ولا نطلع ناكل برا لانه مب فاضي لنا ومايحب نطلب عشان يحسب بنفعل الفاحشه مع المندوب مدري وش يفكر مايبغى نتعامل مع المندوب مع انه بيحطه عند الباب وبيروح وش السالفه مافهم قال مارضى تكلمينه قال طيب دامك غيور روح جيب لي انت اشوف ولا بس فالح تحرم و ترفض المهم اليوم الثاني جا اخوي كلمني قال ابوي يقول انا وانتي نصير نصرف ع البيت ونصير كل راتب نحول له الفين ريال نساعده يجمع عشان نشتري بيت المهم اليوم الي بعده انفتح الموضوع مع اخوي قالي حولتي قلت لا انتضر ابوي يكلمني وتخيل وش قال اخوي اعترف لي ان ابوي قال انكم تصرفون ع البيت انت و اختك بسبس بس بس !!!! واخوويييي هو اليقال بنحول لك الفين !!!! بدون مايشاورني بدون مايسالني اذا عادي عندي او اذا ماعندي خطط بالفلوس""""حقتي""" راح من راسه على كيفه يتصرف بفلوسيييي وفوق ذا مافهمت وش يعني بسسس تخيل ان ابوي ماكلمني عن الموضوع نهائيا؟؟؟ مافهمت الحركه راح يتكلم مع اخوي وخلاه يقول لي وماقال لي شي ولا فتح الموضوع وحتى لما اخوي قالي انا قلت مرح احول لين ابوي يكلمني بعدين اليوم الي بعده اخوي اعترف ان الفكره مب فكره ابوي فكرته هو الي قال نحول لك الفين جمع فيها واشتري بيت فوق راتبك وقال بقول لاختي " الي هي انا " تحول بعد ف انا نكبته يوم قلت مابحول لين ابوي يكلمني بنفسه لن مب فكره ابوي فكره اخوي اصلا وهو قال انا بكلمها تحول ف اعترف انه كذب علي عشان احول ماتوقع اني بقول كذا ف مضطر يعترف عشان احول لن ابوي ماله دخل يقول ولعنت خيره لنه شدخله يتصرف من راسه على فلوسي طيب انا احتاجه فعليا هذا اول راتب لي مفروض ادلع نفسي كيف يعني احوله لابوي كيف ؟ مب كيفك تقرر هو موظف ينزل له راتبه منزمان وقد شرا سوني وسماعات سوني وسماعات جوال و شاشه و كل شي يبيه يعني يوم جا راتبي قررت تصير الابن البار ؟ وينك قبل اتوظف ؟ ليش البر توه ينزل ليش علي؟؟؟ تبي تصير بار صير لوحدك ليش تحشرني معك ليههه انا ماتهنيت بفلوسي ليه كل يوم اكرف من الصبح لين العصر عشان الراتب اخر شي كذا تاخذونه مني؟ على كيفكم ؟ الفين احولها والالفين الباقي اصرف فيها ع البيت؟؟؟ وانا طيب وانا ؟ غير اني اعطي اني 500 غير اني ادفع العشا و القهاوي لما نروح لامي غير ان فالدوام احتاج فطور او غدا او سناكات اي شي عشان ماموت جوع !! كذا يروح الراتب ومابقى لي شي اشتري لنفسي فيه ليه توظفت متى استفيد من فلوسي ؟ ليه يعني ليه تعبت والله من التخلف الي انا عايشه فيه لا راحه لا امان لا وناسه كل يوم نكد كل يوم عايشه بنكد كل يوم كل يوم تعقيد نكد خوف كل مشاعر السلبيه ابي ارتاح بس!