فضفضه امراءه محرومه من زينه الدنيا ........................ المال والبنون

فيني هموم واحزان وابغي بس دعائكم وافضفض شوي من الي بنفسي يمكن ارتاح شوي
انا انسانه مبتلاه والحمد لله علي كل حال عندي يقين ان الله ابتلاني عشان ياجرني وان شاء الله الاقي اجر صبري عنده الكريم الرحيم
اختصار موضوعي اتاخر زواجي حبتين بالنسبه للمجتمع الي اعيش فيه وانا متزوجه تقريبا لي ثلاث سنوات ماراح ادخل لكم بتفاصيل حالتي بس بي اختصار انا عندي سن ياس مبكر وانا عمري الحين 31 سنه وطبيا يستحيل حملي لانو المبايض عندي فاااضيه مافيها بويضات انتهت بدري يعني دخلت بسن الياس وانا بعز شبابي
ماتتصورو هذا الموضوع قد ايش جارح انوثتي ومحطمني ومدمرني احس اني شبه انثي الحريم ماشاء الله تبارك الله تحمل وتكبر بطنها وتولد وانا كاني عجوز ياست من المحيض شكليا وعمريا انا صغيره بس الهرمونات الي بجسمي تقول غير كده تعبت من سؤال الناس ليش ماحملتي تعبت وانا اسكت وارد واطنش بس غصب امثل القوه اتعرضت لي احراجات كثير بسبب وضعي وبالذات من اهل زوجي رغم انهم خفو علي الفتره الاخيره واتوقع زوجي كلمهم من ورايا كل ماتحمل وحده الكل كان حريص اني ماعرف بحملها ومره بنت اخو زوجي كانت بس تجي وتلعب بجوالي وانا كنت حريصه اني اسمعهم ذكر الله واقول ماشاء الله لانو الله يهديهم يتطيرو علي اقل شي ويخافو مره من العين ونامت البنت وبعدين قامت علي اصوات ضحكنا تبكي شالتها امها بسرعه وراحت غرفه ثانيه وراحت معاها ام زوجي واختو بعدين رجعت بس ام زوجي لوحدها وشغلت رقيه شرعيه وانا جالسه قمت قلتلها سلميلي عليهم ولبست عبايتي وخرجت
مواااااقف كثير محرجه ومؤلمه انا يكفيني الي فيني مي ناقصه بعد حركات الناس تزيدني هم علي همي قررت فتره اني انسي همومي واخرج واتفاعل مع الناس ومافكر بهمي وفعلا بس تجيني اوقات بيني وبين ابكي من قلب علي حالي ووضعي
مبتلاه والحمدلله بالعقم ومبتلاه والحمدلله برضو بالحاله الماديه لازوجي ولا انا اتوظفنا للان ووضعنا المادي مررررره سيئ اتوظفت بوظايف قطاع خاص وكلها مؤقته و الحمدلله كملنا الاساسيات وشويه من الكماليات وكل وظيفه تكون مؤقته او موسميه يعني شهر او شهرين وكنت بوقت من الاوقات معلمه لمده سنه بالقطاع الخاص كملت فرش بيتي وشويه من زوجي كمان وامورنا اوقات تمشي واوقات تتعقد عالاخر بسبب الايجار وعدم وجود وظيفه هذا غير الديون المتراكمه من قبل الزواج وراح حافزي علي حافز زوجي بتسديدها وبرضو ماخلصت
احيانا اخاف من زوجي والشيطان يوسوس لي انه الحين معايا ويحبني عشان وضعو المادي مايسمح له يتزوج غيري واحيانا اتعوذ من ابليس واقول لا لو بغي يلاقي احاول انظر نظره ايجابيه للحياه انا جامعيه وزوجي يحبني والاطفال والمال مو كل شي بالدنيا بس غصب افكر فيهم لانهم زينه الحياه وما ابغي غير نرتاح من الايجار ونسدد ديوننا
وضعي عقم وديون متراكمه ومافي امكانيه طبيا ولا ماديا للعلاج احس نفسي بنفجر وابكي لين ماتتنفخ عيوني استني زوجي ينام واقوم الليل وادعي الله يفرج همي



موضوعي هذا فقط للفضفضه وماابغي الا دعواتكم والي بتقول كلام يغث وربي مو ناقصه


ملاحظه قدمت علي طلب كفاله طفله من دار الايتام بس دوري يمكن يجي بعد خمسه سنين لانو في ناس كثير مقدمه قبلي