فضفضه ..امور زوجيه كثيره سببت لي تراكمات

السلام عليكم بنات


انا بحكي لكم من باب الفضفضه اول شيء
وثاني شيء انا ماعرفكم ولا تعرفوني وابي احكي لأي احد مشاكلي وهمومي .. وابيكم تشورون علي
اللي عندها حل
او رأي
او حتى مشاركة وجدانيه لحد يبخل علي


لاني شخصيه قليله كلام جدا جدا


انا زوجه ثانيه
غير موظفه
طبعا انا وزوجني تونا صغار
انا 28 وزوجي 32
سبب زواج زوجي مشاكل بينه وبين حرمته
والسبب الاكبر حكاه لي اول زواجنا انه دخل وياها محكمه وعقب ما دخل معها المحكمه يقول عفتها جدا جدا كيف اوقف مع مرتي قدام الناس في المحاكم
وصادهل مره تتلفظ على ابوه فضربها وراحت بيت اهله وقال ما برجعها الا لما اكسر عزتها واكسر راسها بشيء وحيد اللي هو زواجه
فقدر الله وتزوجنا لحد يقول ليه اخذتيه
انا تقدم لي شباب وعزاب منهم الغني ومنهم الفقير ومنهم اللي من العيله
لكن اراده الله فوووووق كل شيء وافقت وتزوجنا وبعد زواجنا رجع زوجته لبيتها .. وعند عيالها طبعا هي عندها 3 بنات
طبعا زوجي بعد مامرته هزأت ابره حلف ماتدخل بيت اهله طول ماهو حي
صرت انا حرمته قدام اهله والناس
انا هادئه قليه حكي جمالي عادي
لكن الله وهبني ولله الحمد جسسم رشيق لدرجه كل عيلته مافيهم اللي مرتب جسمها اما سمينه او اهمال او غير متناسق وزوائذ الا انااا ولله الحمد
انا شفت مرته مره واحده خلال مده زواجنا 3سنوات
هي جميله جدا .لكن سليطه لسان


مشاكلي مع زوجي انه احسه مو مستوعب ان بحياته زوجه ثانيه
هو لا انكر طيب ويقدرني ويقدر اهلي لكن
في كل مشكله صغيره او كبيره بينا
يقول لي اييه انتي مو فلانه يقصد زوجته لو فلانه كان تصرفتي كذا مو كذا
ولما اتكلم يقول ايه لو انك فلانه قلتي كذا مو كذا
اقول له ليه دامك تحبها اخذتني كان جلست على حرمتك وما تقعد تقول لي ما تسوي مثلها ما تفعلي مثلهاا


يقول لا انا اخذتك لان قلبك طيب ومؤدبه هذا الشي مو فيها
طيب ليه تقهرني بهذا الكلام
محدا يمكن يحس الا الزوجه الثانيه انا قبلت اكون زوجتك الثانيه لكن ليه تحشرها بحياتي
دايما اقوله شايف لما تدخل مع هذا الباب خلاص انسى حياتك هذيك وخلنا نعيش هنا في بيتنا بدون سيره احد
هو يقول خلاص ابشري


يابنات زوجي جدوله واحد يوميا بعد النادي بالليل يجي الساعه 11
تخيلوا بنات الساعه 11 ونص او 12 لما تعرف انه وصل بيتنا
تبدا مسجات ورسايل واتس كل شوي دقه وزوجي لو كان يسولف معي شوي يتركني ويمسك الجوال
واذا جاء بكره وراح ليلته هنااك
انا احترمه واحترم وجوده في بيته ما ارسل له ولا ازعجه
وهي على طول ملاحقته ولا ترسل له ولا تكلمة الا اذا تأكدت انه عندي..
يقوم هو يجيب طاريها هي تسوي وهي تفعل وانا ما ابين له اني مقهوره اقول بكيفه هو وياها ..


عرفت مره انها تتكلم علي عنده وتتعيب بشكلي واني كبرت ماتدوجت عشان كذا صرت الثانيه وهو عادي ما علق ولا دافع عني
برضوا انقهرت وسكتت
تخيلوا بنات مو مخليتني بحالي اخذت رقمي وتراقبني بالواتس وتراقب تعليقاتي وصوري
اذا جاء من عندها
الاقي على ثوبه روج المشكله مكان غلط ما يتبوس فيه وهو والله مايدري عن الطبخه ولا عن ثوبه. يعني واظح انها كذا بيدها اخذت روج وحطت عليه تقهرني يعني
واذا زوجي راح لهل يجي يقولي هي تقول ليه تأخرت جالس عند مرتك عند حبيبتك ليه ابطيت علينا
تحبني وتغار علي

انتي مغروره وواثقه من نفسك
لو تركتها بحالها وقلت مالي دخل فيها تبقى زوجه اولى ومقهوره ما تنلام. لكن فعايلها خلت زوجها يتزوج عليها


انا لأني ساكته ما اعلق رغم قهر وغيره بداخلي
زوجي يقول انتي مغروره
واذا طفش مني وصار مشاده
قال اروح لمرتي ذيك مدلعتني كلام زين ووجه زين ومعامله زينه
معقول احد يقول لمرته كذا
انا اقول رح مع السلاامه الله يهنيكم
واذا جاء بكره جاني ولا كأنه قال شيء
وانا اذا ضليت زعلانه قال يا حقوده ليش كذا
طيب مو حقي تكون لي مشاعر
صح هي سليطه لسان على امه وابوه
لكن غاسله قلبه بكلامه له
هو يحكي يقول وش تقوله
هلا بالامير هلا بالغلا صباح الورد ناام يا قلبي
وهو بكذا ينسى فعايلها الشينه ويجيني يقول ليه ما تسوين مثلها انا والله لو الف اللعام ما القى زيها وربي انسى نفسي اذا جيت عندها ؟!!!
اقوله طيب مين وقفتك فتامحكمهًً. مين سبت الشيبه ابوك
ليه تزوجتني طيب كان خليتني ببيت اهلي يجيني واحد يعرف قدري مو مثلك ماخذني بس عشان يأدب مرته




وخلاص اسكت واذا طلع ابكي
هذي امور بسيطه مـْ♡̨̐ـْن اللي يحصل
لحد ما احس بتراكمات كثيره
شرايكم بنات ايش العمل هنا كيف اتعامل معه
واتقي شر حرمته


..


بنات انا ما يقهرني تصرفاتها
كثر ما تقهرني تصرفات زوجي
احيان يقول لي انتي على وش مغروره وواثقه من نفسك روحي شوفي نفسك بالمرايه ؟!
وجسمي اللي كل عيبته يحكون فيه
يقول وش هذا عرض وطول على الفاضي
يقول انتي بعد مغروره وتغارين احيانا
مرتي ذيك دايم تغار المشكله ودي اعرف ليه تغار
..يقصد هي حلوه وماعليها ليه تغار من البنات


نصيحتكم بنات سولفوا عليّ