فضفضه 😞 انا وحيده دائما

السلام عليكم الموضوع طويل اللي مالها خلق تقرا لاتقرا انا طلعت كل الي بقلبي هنا ☹️
الحمدلله ع نعم الله التي لاتعد ولا تحصى
انا متزوجه وعندي ولد سنه وتسع شهور ماشاءالله
وساكنه في محافظه صغيره واهلي واهل زوجي في منطقه بعيده عنا
المهم في المحفاظه اللي انا ساكنه
فيها حديقه وحده
ومول صغير واحد
وبر
الحديقه ماحب اطلع لها لانها ع شارع عام وكذا مره ولدي يشرد يبغى يقطع الشارع
والمول صغيييير ممر طويل وفيه محلات عاديه ماهي ماركات ولاكوفي ولا مطاعم
والبر طفشنا منه بس تراب ونجلس ونرجع
حتى ولدي اول مايشوف ان وقفنا في البر يبكي ويصيح طفش ممنه
المهم لمن يجي الويكند اطفششش اطفش من قلبي اتمنى عندي احد اسولف معه ولا احد يعزمني ع شي
حتى مطاعم ماعندنا بس وجبات سريعه الشركات المعروفه وانا ما اكل من عندها
اليوم فتحت السناب ماشاءالله تبارك الله الكل طالع برا
اللي في استراحه اللي بحديقه مع احد
اللي في بيت مجتمعين
اللي بزواج
اللي
اللي
والله ماحسدهم بالعكس احبهم ويحبوني الله يزيدهم بسط وسعاده بس اغبطهم اتمنى بناس اسولف معهم اعزمهم لبيتي اتمنى اخرج مع صاحبتتي نروح كوفي نروح مول نتسوق
اتمنى واتمنى
لي ثلاث سنوات ع هالحال
اصلا تغيرت صرت لمن اشوف ناس ارتبك احس ماني متعوده
انا قبل ماسكن قال لي اخويه لان قد سكن بالمحافظه ذي ترى اهلها مو اجتماعين ابددددا ولايخرجون
فلمن تزوجت وسكنت جلست 4شهور محد دق بابي يعني توقعت صاحبه العماره تجي تسير عليه خصوصا انه ساكنه تحتي
قمت اخدت رقمها دبرته وكلمتها وقلت لها تعالي (المفروض هيه اللي تجيني لاني توني سكنت)مع ذلك قالت انتي تعالي عندي انا استحي🙂! قلت طيب توقعت انها صغيره وتستحي زرتها طلع عمرها كبير ومديره مدرسه جلست شويه وبعدين تركتني مع امها امها عجوز
بعدين مر شهر وشهرين وثلاث المفروض ترد لي الزياره ماردتها قمت ارسلت لها واتس شافت كلامي وماردت وغيرت الحاله وكتبت ماني فاضيه ارد حتى لو قرات الرساله (مع اني ارسلت بيوم ويكند عشان لا اشغلها) ومعد ردت ابدددا
ومرت شهور وارسلت لها وردت وعزمتها وتعذرت وبعدين ولدت وتنفست في بيتي توقعت ترسلي ثلاجه او تزورني مازارتني💔
المهم نقلت من هذا البيت وسكنت في بيت ثاني والله صصار لي نفس الشي مازراوني الجيران مع اني جديده بالعماره قمت زرتهم وجبت معي حلى وقهوه وللاسف ماردو لي الزياره ارسلت لهم كذا مره يتعذرون فخلاص يأست وعرفت ان كلام اخويه صح رجالهم مايخلونهم يروحون عند الغرباء
الخلاصه انا دايمن طفشانه ووحيده مجالسي نظيفه دايم عشان اذا احد جاني فجاه كل شي مرتب عندي مواعين ضيافه مخصصتها للضيوف بس ماعمر احد جاني 😞 ابغى استقبل احد واطبخ واستانس مع احد
ابغى اكشخ والبس واتمكيج ابغى احد يشوفوني واشوفه
زوجي يجي من الدوام ينام للمغرب يصحى يجيب اغراض او شي ويروح لاصحابه من العشا لين 1 بالليل واذا ويكند للساعه3
كلمته ودي يجلس معايه نشوف فيلم نسولف ندردش يرفض قلته انا وحيده سولف معي انت عندك اصحابك انا ماعندي احد قال حاسدتني!😞
اصحابه عزابيه
هذا حالي من ثلاث سنين والحمدلله ع كل شي
الانسان بطبعه اجتماعي محد يقدر يعيش وحيد عن المجتمع انا والله ماني لصقه ولا اطلب كل يوم اخرج ولا كل يوم عند ناس لو مره بالشهر راضيه لو مرتين رااااضيه بس يدخل علينا شهز وشهرين وثلاث واحنا ع ماهو عليه
اتابع مسلسلات افلام اقرا كتب تسليني شويه حطيت حرتي بالاكل ليل نهار اكل لين تعديت الميه كيلو 😭
بتقولون سجلي بنادي او تحفيظ زوجي مايرضى كلها بعيده ولا يرضى يوديني
معليش طولت عليكم والله حزينه ووحيددددده ابغى اتكلم واسولف وادعولنا بالنقل هالسنه