فضفضه... بدات اوسوس .. طالبه منكم الدعاء

عقدتي اللي ماني قادره اتخلصص منها


كيفكم يا بنات
انا حابه اطرح مشكلتي اللي عن جد مازمتني

البعض منكم ح يشوفها مضحكه وتافهه ..وفيه اللي ح يشوفها سهله...ويمكن القى احد مثلي خخخخ
بس من جد متعبتني

يابنات انا اخاف من البسم الله(اهل الارض)
اكيد الاغلبيه يخاافوا مو شي جديد وفي كمان اللي ماشاءالله ابدا مايخاافو

انا بس اسمع حكايه عنهم خلاااص ابدا في التخيل والتهيء

نيجي للمشكله الاساسيه
في بيتي لمن اكون لحالي.وصاحيه لحااالي.. الابواب كلهااا اقفلها حتى المطبخ و ع الاقل نور واحد يكون مفتووح في الغرف اللي قفلتها
اذا عندي شغله مثلا في المطبخ ادخل واقفل الباب ع نفسي واكمل الشغل
لو اكوي الملابس ادخل اقفل الباب واغلق شغلي...
لو اكنس نفس الشي ... اي شغله بسيطه تلقيني اعمل نفس الشي
وماهمني اللي يصير برره ... خخخخخ
وطبعا دا الشي يصير لمن لا زوجي يكون موجود ولا بنتي تكون راحت لجدتها او عماتها ...وياحرام لمن تبغى ترجع البيت ...حماتي عاارفه وضعي وخوفي تتصل عليا وتقول البنت طالعتلك
المراااياااا .... يوووووه اكرهها ...(سمعت انو كثره المرايا تجذبهم .... ومادري دا الكلام صح ولا غلط ..،بس اي شي اسمعو عنهم حتى لو كذب اصدقه) يادوب عندي مرايه المدخل و مرايه حمام واحد الله يكرمكم والتاني مافيلو مرايه خخخ ومرايه تسريحه غرفه النوووم
وووواااخ من غرفه النووم ..والله ارتاح واجلس في كل الغرف بالسااعات الا غرفه النووم مااقدر..طبعا غير لمن اجي انام مااحس طبعا ..لكن غيركدا لو باشتغل فيها انظف او ارتب الملابس تلقيني اسوي الشغله ع السرريع ..ماااقدر ...اكش منها...وحتى سمعت انو المفروض مانخزن او نرفع شي فوق الدواليب وتحت الاسره... و طبعا ماني مخزنه... عندي شنطه كبيره حاطه فيها ملابس شتويه....وحاطتها على الركن ومنظرها مو حلو وماعندي مخزن ..وزوجي الا يبغى يرفعها


فوق الدولاب وانا رااافضه..
ارواب النوم ياادوب البسها لزوجي اول النوم واول مايغفى ابدلها بالبجاما الطويله واحيانا تمر فتررره مالبس اروب لزوجي وطبعا هو يتضايق
الملابس القصيره وحركات التفنن للزوج ... قبل لايجي اتصل عليه واقوله لو قربت من البيت اعطيني خبر..وبس يتصل البس اللبس القصير ... ولو صادف وماتصل ح يلقااني باللبس الطويل .. وانتو ادرى بطبع الازواج واللي يحبوه واللي مايحبوه ... وطبعا برضو دا يضايق زوجي

ودايم القران شغال في التلفزيون ولله الحمد ..والمسجد قريب من بيتي وصوته يدخل في البيت .والتحصين شي اساسي عندي
بس ماادري ليش الخوف
اللي حولي يقولو لي ثقي بربك وقوي ايمااانك واتحصني وووووو
طيب كل دا الشي انا باعمله ولله الحمد ودايم ادعي ربي يقوني بس برضو اخاااف
المشكله اللي انقهر في نفسي .. لمن زوجي وبنتي يكونو موجودين احس بالامان
طيب ربي معااايا لمن اكون لوحدي..المفروض احس بالامان وانو اللي كتبو ربي ح يحصير وهو الحااافظ ....بس زعلانه من نفسي وفعلا احس انو ايمااني مو قوي
في الليل والكل ناايم
مستحيييييييييل اطلع بره غرفه النوم ان شاءالله اجلس فيها طول الليل بس مااخرج بره
تلقيني اقوي قلبي اروووح جري اتوضا و اجي اصلي و اوتر في غرفه النوم ... حتى فهمت زوجي من زمان لو صحيت من النوم وشفت وحده لابسه طرحه وواقفه في الظلام دي انا لاتفكرها شي تاااني هههههههههه
بس يابنات من جد العقده دي مرره متعبتني اول ماتخلص صلاه العشا يروح زوجي لامه وياخد بنته واحنا في نفس العمااره بس برضو الخووف موجود... يخرج لاصحاابه وبنتي عند جدتها نفس الشي... واحيانا بنتي تكون موجوده بس مايكون داك الخووف اقفل غرفه النوم والغرف التانيه واخلي المطبخ مع الصاله وغرفتها المفتوووحه فقط
ومقاطع الجوال.. راابط فيديو و لامقطع صوت ابدااا مافتحو ... اخاف لا يطلع مقلب ولا مقطع مرعب... وافللم مرعبه مااتفرج ...
وكلاااام كتير و اشياء كتير
بس حبيت افضفض .. اخااف اوسوس ويتطور الموضوع .. طبعا اذا ماوسوست اصلا الله لايقدر
بس ادعولي يابناااات .. عارفه طفشتكم و ح تقولو فاضيه البنت
بس اللي الله لايقدر بتعاني من نفس مشكلتي ح تحس باحساسي وتعبي
احساااس انو بتشتغلي بس تخافي تتلفتي يمين يسار... واذنك ع اقل صوت
يروح بالك في شي تاني ... افتح الدواليب اخاف اشوف شي ...والله والله شعووور متعب


بس ادعولي يا بنات