فضفضه بس أعطوني كلام إيجابي الله يخليكم

صباح الخير
بنات أنا تعبت من زوجي مع اني احبه بكل عيوبه لكني تعبانه نفسيا..
زوجي رافض رفض تام انه يطلعني ولو الحديقه ولو لفه بسياره كلمته بالطيب وبالقوه وبلا فايده وكل ما اقوله يقول لا... قلبي يعورني على هالحال فالاجازات جالسه بغرفه وبالويكند بغرفه أنا وعيالي... ضاحك على عيالي مرات يأخذهم لفه بالسياره ويشتري لهم ألعاب او حلويات وخلاص خلصت مهمته وانا حرام حرام يأخذني اي مكان وكل يوم اجلس وادعي انه ربي يسخره لي.. ٨ سنوات تقريبا ونفس الحال زوجي والحين عندنا٣ عيال وما تغير بلعكس زاد..
لما اريد انزل واطلع من غرفتي وأروح تحت للمطبخ تبدأ المراقبه من امه وأخواته كأني رايحه اسوي شي.. فعشان كذي قليل انزل تحت وانحبس بالغرفه فالويكند اروح بيت اهلي وانبسط بس عيالي يسوو ازعاج وانحرج من اهلي وامي تلمح لي عشان ما أجي عندهم كل مره..
لا تقولن اجيب سايق وسياره لان راتبي ما يكفي اصلا وزوجي مستحيل يجيب لي اي شي.. عنده حرام يشتري لي لي شي..
حارمني من الطلعات وما يعطيني مصروف وهاجرني فالمضجع غير المعامله السيئه منه وانا ساكته وصابره ويعد هو يشوفني غلطانه.. ويبوز علينا بكيفه ويجينا فرحان بكيفه والصبح مبوز والليل عادي يجي فرحان وهكذا متقلب ويسمع كلام اخته وتساويها هي وامها ويجي غضبان علينا ويضرب ولده ويعصب علينا.. وفحاه يتغير ويصير طيب ويرجع اليوم الثاني مبوز..
بخبركم مواصفات زوجي وأنتو احكمو.. هو رجل فالأربعين ولا يصلي ويشتغل فشركه وما يخبرني اي شي عنه وما اعرف راتبه ولا اي شي.. عرفت من ناس برع انه عنده عمال هنود..
واعرف انه عنده كم محل صغير وياخذ أجار منه له هو وأمه..
ويحب يقهرني خاصه اذا كان معصب علي عادي يزوغ عينه قدامي واذا كلمته يقول شكاكه وشكاكه..
واذا تكشخت له زاغت عينه على المبلغ الي أشتريه من أغراضي في احد منكم مثلي.. وشو اسوي تعبت لكني احبه وصابره..كيف أغيره معرف وسلامتكم😫