بسم الله الرحمن الرحيم
طبعا انا تشجعت وكتبت موضوعي الخاص هذا ..~
واعتبرها فضفضه لي عما يجول في خاطري من اشياء ومعاناه استمريت فيها تقريبا 19 سنه والحمدالله على كل شي
مقدر ومكتوب ..~
بقول قصتي باختصار ..~
وممكن تشاركوني بارائكم طبعا ..~
انا بنت من بنات بوظبي _ بنت زايد الخير ..~
تزوجت من بن عم امي وعمري 15 سنه يعني صغيره وجاهل ولا لي علم بالزواج ومن هالكلاام
تزوجت من انسان حطم كل طموح لي بالحيااة من صغيره وكبيره
ومنعني من الدراسه لاسباب تافهه ومنعني من الخروج من المنزل او اي زيارات حتي اهلي ومنعني حتى من المكياج او حتى الكحل الداخلي بالعين ..~
حرمني من كل شي تقريبا ..~انا رسامه من عدني صغير ومنعني حتى من الرسم وشاعره ومنعني من كتابة الشعر حتى
جبت ابني البكر بعد عام من الزواج ..~ وربته جدته على اسااس اني صغيره وياهل وماعرف له هذا على اعتقادها للاسف ..~
والمهم
زوجي يشرب ونسونجي من الدرجه الاولي ..~ لدرجة يتصل بابن عمه جدامي ويقوله ابي بنت تطلع معي اليوم والمشكله يكلمه جدامي دون اي احترام واعتبار ومادرات لمشاعري واحساسي
كنت انقهر بيني وبين نفسي وابكي واكتم كل شي بصدري ولا اشتكي لاي انساااان ابد ..~
على هالحال لين كبرنا ..~ وهو يبني بيني وبينه سد كل مايجي من وقت يكبر ونبهت لهذا الموضووع ..~
هو انساان لايسمح لي باني اناقشه لاي امر من الامور ابد حتى اسامي عيالي مش مسموحه اسمي او حتى اعبر عن رايي ابد
جبت عيالي على كثر المشاحنات اللي بيني وبينه ..~
على امل يوم من الاياام يتغير مع اني حاولت اتفاهم معه بلاجدوي ..~
طبعا مرت السنين تلو السنين لين جاني اليوم اللي عفته فيه من تصرفاته ..~
واخذت قرار
بالابتعاد وطلب الطلااق منه..~
طلعت من البيت لسبب قوي بعد ماشفته بعيني مع خادمة امه ..~
في هذه اللحظه توقفت بي الدنيا فجأه شعور الله لايمره على احد
مع اني بقدر عالي من الجمال والادب والاحترام والصبر عليه والبي كل طلباته ..~ المشكله انه عرف قدري بعد ماخسرني
يعني لما الانسان يطلع من قلب الاخر مستحيل يرجع لو يبكي دم ..~
طلعت من البيت وصار لي الحين سبع اشهر
لانيب معلقه ولا اللي طلق طبعا ..~ اخذ عيالي مني اصغر بنت عمرها 6 سنين رفض يعطينياها يبي يقهرني فيهم
طبعا انا عطيته مجال قبل لاسوي اي شي بطيب يجيبها ومن غير مشاكل ..~
طبعا تعرفون ان دولتنا الحكيمه مع المرأه المظلومه دائما ..~ وماقصر الشيخ محمد بن زايد ال نهيان رفعت الامر له واخبرته باللي صاير كله ..~ وانشهد انه ماقصر معي وقضيتي الحين في يدهم الله يفك كربتهم وضيقتهم ويرجع لهم غايبها الشيخ احمد بن زايد ****لله ..~
والحمدالله على كل شي ..~
الحين اكمل دراستي اللي فاتتني ..~
وقدمت في وظيفة وفي رجا خير ****لله ..~
هذي قصتي في سطور كتبتها مختصره مع ان الخافي اعظم لكل بيت فيه اسراره ..~
والمرأه دائما ماتبي من زوجها غير الاهتمام والاحترام والكلام الحلو ومداراة مشاعرها بجميع النواحي
هي تزوجت عشان ترتاح مو تهتم وتتعب ..~
واسفه على الاطاله ..~
احترامي لكل من دخل صفحتي ..~ ريم المنصوري..~
يلزم عليك تسجيل الدخول أولًا لكتابة تعليق.
بنت أطيب إنسان
•
الله يعييييييينك على هاللدنيا...ويرزقك من حيث لاتحتسبين
الولود
•
الله يكون بعونك اذا عندك امل فيه لاتكبرين الموضوع ولو عفتيه شرشحي فيه الارض ربي يحبك ماابنلى بمرض وبلاك فيه
الله يجمع شملك بعيالك
الله يجمع شملك بعيالك
الله يفرج همك ويردلك اولادك ان شاءالله والحمدلله انك تركتي هالانسان اللي بصراحه ماادري وشلون عشتي معاه
الله يعوضك خير ياااااارب
الله يعوضك خير ياااااارب
الحمدالله على كل شي .. واشكركم جميعا
اذا وقف بوجهي اكيد بشرشحه ..والرجعه له مستحيله .~
الحمدالله عرفت السعاده بع مافارقته الصراحه ..~احدن مقابله يجيب لج الهم واحدن يجيب لج السعاده ..~
اذا وقف بوجهي اكيد بشرشحه ..والرجعه له مستحيله .~
الحمدالله عرفت السعاده بع مافارقته الصراحه ..~احدن مقابله يجيب لج الهم واحدن يجيب لج السعاده ..~
الصفحة الأخيرة