فضفضه جامعيه

السلام عليكم يابنات بصراحه لي فتره اتابعكم حبيييييت ردودكم وصراحتكم وتوجيهاتكم الله يسعدكم يارب
انا مشكلتي عمري 21 السنه الجايه تخرج من الجامعه ان شاءلله انا صارلي شلل نصفي يوم كنت برابع ابتدائي والحمدلله ع كل حال قعدت سنييييييين اتعااااالج وبالثانوي قدرت اقوم واجلس وامشي لحالي بدون كرسي او عكاز الحمدلله كنت مبسوووووطه مره اني رجعت طبيعيه لكن اكتشفت بعد فتره اني مو طبيعيه فعلا انا عندي عرج خفيف ورجلي فيها تعوق وااااضح لدرجة ماقدر البس بنطلون ولا تنوره لنص الساق مثل باقي البنات انا تحطممممت بعد ماكنت محافظه ع جسمي صرت احط حرتي بالاكل متنت متنت حييييل صرت اروح الجامعه عشان ادرس بس وارجع لا اناقه ولاكشخه ولا اي اهتمام ماكاني انثى لاني فعلا كل شي يصير شين علي وكل فستان بصير بشع حتى يوم البس فستان وانا واقفه قدام المرايا يجننن ومن امشي يخترب الشكل افصخه واتحطم انا موعارفه كيف بعيش بعد الجامعه الدروس كانت تلهييييني كثير منشغله بجامعتي وتخصصي دخلته عن حب وهوايه لهالموهبه رسم وبالنهايه تو حسيت ان ماله مستقبل سوى مدرسة فنيه بعد عشر سنوات ممكن اتعين مافي اي شي يحمسني للمستقبل لاتخصص زين ولاشكل زين ولا انا اللي استمتعت بهالعمر ولبست وكشخت وتمكيجت تعبت من نظرات الشفقه والاستغراب الحمدلله ادري ان حالي احسن من غيري بكثيرررر بس انا خايفه من المستقبل لا بتزوج ولابتوظف ولابعيش مبسوطه حتى عايلتنا ع قد حالهم لاسفر ولاطلعات ولا اقارب كثيرين كل خلفتهم عيال انا البنت الضايعه بهالعايله رغم اني انسانه اجتماااااعيه جداااا جدااا ولي علاقات كويسسه بكل مكان وكل بنات قسمي وقاعتي يحبوني واحبهم الحمدلله هالشي الوحيد اللي مصبرني ع الحياه ولاعمري خجلت من نفسي بالعكس ثقه فضيييعه لدرجة بمهرجانات قسمي انا دايم اكون المقدمه وانا المشرفع ودايم اسوي افكار للبازارات وللمشاريع بالجامعه وكلهم يعرفوني حتى رئيسة قسمنا اي مكان اروحه بدون استثناء لي بصمتي ولي حضور قوي الحمدلله مرات افكر اجمع مكافات اخر سنه وافتتح مشروع بسيط بس وشو عطوني افكار ! لان كل فلوسي راحت ع الاكل احسس اني محطمه ولاستمتعت باي مرحله من مراحل حياتي ولابستمتع بعد كل بنت يكونون اهلها ع قد حالهم تحلم بزوج يغير حياتها وانا طبعا مستحيل اتزوووج اسفه طولت عليكم بس فضفضه وعطوني نصايحكم