فضفضه صباحية 😔+ ساعدوني شلون اتجاوزه

صباح الخير يا بنات ومبارك عليكم الشهر يارب
المهم مو جايني نوم وابي افضفض حاسه حالي مخنوقه ومهمومه لا نوم ولا اكل واهملت صحتي كثير .. كله افكر في قريبي اللي خطبني واهلي رفضوه واخذ موقف واختفى تماماً وقطع كل وسائل التواصل وابعدني عنه ..توقعته بيحاول لكني انصدمت انه رغم كل شيء سويته وقدمته له ووقفت بوجه اخواني هنت عنده واهلي ملاحظين اني متغيره وصاروا يقنعوني انه خير لي لكن ما يعرفون تعلقي فيه وتبت لله اتمنى محد يجرحني او تتهمني بالكلام وهي ما تعرفني وقررت ابدأ صفحة جديدة وانساه لكن خالته قريبتنا نزلت صورته سناب شاق الضحكة تبارك له للمنصب الجديد وانا اللي اتعب وادخل نوبه بكاء وحزن غصب عني يا بنات والله غصب😔... وقررت احذفها لاني بمرحله استشفاء والمشكلة خالته تدري اني لسى مجروحه والحركة هذي استفزتني .. ابيكم تساعدوني شلون اتجاوزه واكمل حياتي شلون اكون سعيدة ولا اتحسس من طاريه لا انذكر وكيف اتقبل اني ممكن بلحظه راح اسمع خبر زواجه
ابيكم تساعدوني وتعطوني القوة اني اتخطاه ولا اراقبه لاني تعبت