فضفضه طويله،احتاج استشير الخبيرات بالحياه والعقول الراجحه

السلام عليكم
لي فتره متابعه للمنتدى وبما ان الاغلب حريم وكبار ولكم خبره بالحياه بغيت استشيركم بمشكلتي
مشكله ما ادري وش اسوي فيها ومالها حل الا يفرجها رب العالمين اللي هي الفقر الفقر صعبه العيشه معه صعبه انا اتحمل لكن تعبت من تزوجت ما شفت السوق الا مره مع اهلي وابوي عطاني الفلوس المستشفى ابوي بعد، زوجي اذا جا وقت الدفع قال ما معي بنرجع مهوب لازم وانا وقتها حامل ومعي نزيف ضروري ادخل على الدكتوره،والله ما تعودت على هالشي انا من عائله غنيه وانصدمت بالعيشه هذي الله لا يذوقها احد،احياناً اقول يمكن انا مدلعه وما تعودت وربي بيفرجها واحيانا ايأس،وزوجي ما يساعد ابد انتقادات على الصغيره والكبيره وكل شي لا، وكل ما طلبت شي قال ما معي فلوس واذا طلبت اكل جاب منها اللي يشتهيه فقط ويتنقى الاشياء اللي ما احبها، احياناً افكر انه يتعمد يطفشني،طبعاً فضلا عن انه ما شفت لا شهر عسل ولا طلعات ولا تمشيات ولا مطاعم الا مع اهلي.
اشك ان زوجي عنده فلوس لانه يجيب اشياء لنفسه كماليات اسعارها غاليه ولانه يزل لسانه احيانا بكلام يشكك او انه راتبه اكثر من ما يقولي لانه ما شال هم ولا حس انه مقصر مرتاح ونايم طول اليوم ما يداوم وباقي الوقت على التلفزيون او الجوال،واذا قلتله دور شغل ثاني انت فاضي قالي اشتغلي انتي وساعديني.
اعتقد نص المشكله لان فلوسه مصادرها اشياء مثل محلات وهميه وسعوده،اشياء انا مقتنعه انها متجوز،وكلمته في هالموضوع ونصحته عنه.
واشك انه يكلم بنات لكن مطنشنه من هالناحيه،علي اني انصحه عشان ربي بس.
الحين انا مابي اتطلق لان مافيه سبب لكن ماعاد فيني حيل اتحمل اكثر تعبت نفسياً وجسدياً ومازلت ساكته وصابره وادعي ربي وعندي امل بالله لكن خايفه من المستقبل
شورو علي او خففو عني جزاكم الله خير